IND vs SA : भारताविरुद्ध सामन्यांसाठी दक्षिण आफ्रिकेची खास रणनीती, नेट बोलर म्हणून 14 वर्षीय भारतीय फिरकीपटूला घेतलं संघात

Ind vs SA T20I : भारत आणि दक्षिण आफ्रिका यांच्यात 9 जून पासून पाच टी-20 सामन्यांच्या टी20 मालिकेला सुरुवात होणार आहे. 

क्विंटन डीकॉक आणि रौनक वाघेला

India vs South Africa : भारत आणि दक्षिण आफ्रिका यांच्यात 5 टी20 सामन्यांची मालिका 9 जूनपासून सुरु होणार असून दिल्लीच्या अरुण जेटली स्टेडियममध्ये (Arun Jaitley Stadium) पहिला सामना खेळावला जाईल. या सामन्यासाठी दोन्ही संघाची जोरदार तयारी सुरु आहे. विशेष म्हणजे दक्षिण आफ्रीका संघाने (south africa) या सामन्यांसाठी एका 14 वर्षीय भारतीय क्रिकेटपटूला नेट बोलर म्हणून संघात घेतलं आहे. 

भारतीय संघाची स्पीन अटॅक अगदी दमदार असल्याने सर्व देशांमध्ये भारतीय संघाच्या फिरकीपटूंची दहशत असते. आता या स्पीन अटॅकचा सामना करण्यासाठी आफ्रिकेच्या संघाने 14 वर्षाचा भारतीय क्रिकेटर रौनक वाघेला (Raunak Waghela) याला संघात घेतलं आहे. रौनकने आतापर्यंत दिल्ली क्रिकेटमध्ये शानदार प्रदर्शन केलं आहे. रौनकला संघात घेतल्याने भारतीय स्पीन अटॅकचा सामना करण्याचा सराव आफ्रिकेचा संघ करणार आहे.  

टी-20 क्रिकेटमध्ये भारत विरुद्ध दक्षिण आफ्रिका हेड टू हेड रेकार्ड

भारत आणि दक्षिण आफ्रिका यांच्यात आतापर्यंत 15 टी-20 सामने खेळले गेले. यापैकी नऊ सामन्यात भारतानं बाजी मारली आहे. तर, दक्षिण आफ्रिकेच्या संघाला सहा सामन्यावर ठसा उमठवता आला आहे. परंतु, भारतीय दौऱ्यावर दक्षिण आफ्रिकेच्या संघाच पारडं जड दिसलं. भारतात दक्षिण आफ्रिकेनं आतापर्यंत चार सामने खेळले आहेत. त्यापैकी तीन सामने जिंकले आहेत. तर, फक्त एकच सामना गमावला आहे.

याआधी 2019 मध्ये पहिल्यांदाच टी-20 मालिका खेळण्यासाठी दक्षिण आफ्रिकेचा संघ भारतात आला होता. त्यावेळी तीन सामन्यांची टी-20 मालिका खेळण्यात आली होती. परंतु, पावसामुळं या मालिकेतील पहिला सामना रद्द झाला होता. त्यानंतर दुसऱ्या सामन्यात भारतानं दमदार प्रदर्शना करत सामना जिंकला. तर, तिसऱ्या सामन्यात दक्षिण आफ्रिकेनं विजय मिळवला. 

भारत विरुद्ध दक्षिण आफ्रिका सामन्यांचे वेळापत्रक

सामना	दिनांक	ठिकाण
पहिला टी20 सामना	9 जून	अरुण जेटली स्टेडियम, दिल्ली
दुसरा टी20 सामना	12 जून	बाराबती स्टेडियम, कट्टक
तिसरा टी20 सामना	14 जून	डॉ वाय.एस. राजशेखर रेड्डी एसीए-व्हीडीसीए क्रिकेट स्टेडियम,विशाखापट्टणम
चौथा टी20 सामना	17 जून	सौराष्ट्र क्रिकेट असोसीएशन स्टेडियम, राजकोट
पाचवा टी20 सामना	19 जून	एम. चिन्नस्वामी स्टेडियम बंगळुरु

हे देखील वाचा-