IND vs NZ Final : सगळे दिसतात, पण उपकर्णधार कुठंय...? रोहित शर्मा शुभमन गिलवर संतापला, भर मैदानात नेमकं घडलं तरी काय?
India vs New Zealand Champions Trophy 2025 Final : चॅम्पियन्स ट्रॉफी 2025 चा अंतिम सामना भारत आणि न्यूझीलंड यांच्यात खेळला जात आहे.
Rohit Sharma Angry Reaction on Shubman Gill : चॅम्पियन्स ट्रॉफी 2025 चा अंतिम सामना भारत आणि न्यूझीलंड यांच्यात खेळला जात आहे. या सामन्यात भारतीय संघ नाणेफेक गमावल्यानंतर प्रथम गोलंदाजी करत आहे. दुबईमध्ये सुरू असलेल्या या सामन्यादरम्यान एक आश्चर्यकारक घटना घडली. खरंतर, न्यूझीलंडच्या डावातील पहिल्या ड्रिंक्स ब्रेक दरम्यान, भारतीय कर्णधार रोहित शर्मा उपकर्णधार शुभमन गिलवर संतापलेला दिसला. यामागील मुख्य कारण समोर आले आहे.
Rohit Sharma really got frustrated at vice captain Shubman Gill.
— Rajiv (@Rajiv1841) March 9, 2025
Rohit gathered everyone for a team huddle & stood in middle of it but he couldn't find his Gill there & got really frustrated by it. Man who made this clown vice captain when Shreyas, Hardik are part of squad???? pic.twitter.com/D7OiSFv7FP
खरंतर, 15 षटकांनंतर जेव्हा ड्रिंक्स ब्रेक झाला, तेव्हा सर्व खेळाडू सामन्यात पुढील रणनीती बनवण्यासाठी एकत्र जमले. पण यादरम्यान, रोहित शर्माने पाहिले की गिल उपस्थित नव्हता. गिल कदाचित सीमारेषेजवळ होता, यामुळे रोहित संतापला आणि त्याने रागाने उपकर्णधार गिलला लवकर येण्याचा इशारा केला. जेव्हा गिल इतर खेळाडूंकडे पोहोचला तेव्हा रोहितही त्याच्याकडे रागाने पाहत होता.
Rohit Sharma seems to be angry at Vice captain Shubhman Gill while drink break...!!!
— Gurlabh Singh (@Gurlabh91001251) March 9, 2025
🤯 pic.twitter.com/aCEH5t4KfA
'सर' जडेजा-चक्रवर्ती- कुलदीपचा दुबईत धमाका!
नाणेफेक जिंकल्यानंतर मिचेल सँटनरने प्रथम फलंदाजी करण्याचा घेतलेला निर्णय सुरुवातीलाच योग्य ठरला. विल यंग आणि रचिन रवींद्र यांनी संघाला तुफानी सुरुवात करून दिली आणि पहिल्या विकेटसाठी 57 धावांची भागीदारी केली. ही जोडी वरुण चक्रवर्तीने तोडली. त्याने यंगला 15 धावांवर एलबीडब्ल्यू बाद करून पॅव्हेलियनमध्ये परत पाठवले. त्यानंतर कुलदीप यादवने चांगल्या फॉर्ममध्ये असलेल्या रचिन रवींद्रच्या रूपात मोठी विकेट घेतली.
रचिनला कुलदीपने बोल्ड केले. कुलदीप इथेच थांबला नाही. त्याने 13 व्या षटकात माजी कर्णधार केन विल्यमसनला त्याच्या फॉलो थ्रोमध्ये झेल देऊन भारताला तिसरी विकेट मिळवून दिली. तिथेच. रवींद्र जडेजानेही एक विकेट घेतली आहे. न्यूझीलंड संघ सध्या थोडा अडचणीत असल्याचे दिसते.
भारतीय चाहत्यांना आशा आहे की, कुलदीप आणखी काही विकेट्स घेऊ शकेल. आता न्यूझीलंड संघ भारतासमोर किती मोठे लक्ष्य ठेवतो हे पाहणे बाकी आहे. त्याच वेळी, भारतीय गोलंदाज किवींना लवकरात लवकर गुंडाळण्याचा प्रयत्न करत आहेत.
Before You Go
IPL 2026 : राजस्थान रॉयल्सने पंजाब किंग्सचा घरच्या मैदानावर पराभव करत विजयीरथ रोखला
महत्त्वाच्या बातम्या
