IND vs NZ, T20 Live Streaming: आज रंगणार निर्णायक टी20; कधी, कुठे पाहाल तिसरा टी20 सामना?

IND vs NZ : टी20 मालिकेत तीन पैकी दोन सामन्यातील प्रत्येकी एक सामना जिंकून भारत आणि न्यूझीलंड मालिकेत बरोबरीत आहेत, ज्यानंतर आज तिसरा आणि निर्णायक सामना रंगणार आहे.

By : एबीपी माझा स्पोर्ट्स डेस्क | Edited By: शशांक पाटील | Updated at : 01 Feb 2023 01:48 PM (IST)

IND vs NZ

IND vs NZ 3rd T20 Live Streaming: भारतीय क्रिकेट संघ (Team India) आणि न्यूझीलंड (New Zealand) संघ यांच्यात सुरु टी20 मालिकेतील (IND vs NZ T20 Series) तिसरा आणि निर्णायक सामना आज खेळवला जाणार आहे. आज भारत (India) विरुद्ध न्यूझीलंड (India vs New Zealand) तिसरा टी20 सामना खेळवला जाणार आहे. टी20 मालिकेत तीन पैकी दोन सामन्यातील प्रत्येकी एक सामना जिंकून भारत आणि न्यूझीलंड मालिकेत 1-1 अशा बरोबरीत आहेत, ज्यामुळे आज रंगणारा तिसरा सामना हा निर्णायक असणार आहे. भारताने यंदाच्या वर्षाच्या सुरुवातीपासून दमदार फॉर्म कायम ठेवला आहे. श्रीलंकेला टी20 मध्ये मात देऊन एकदिवसीय मालिकेत व्हाईट वॉश दिल्यानंतर न्यूझीलंडलाही वन-डे मध्ये व्हाईट वॉश दिला आहे. ज्यानंतर आता टी20 मालिका जिंकण्यासाठी भारत आज न्यूझीलंडविरुद्ध मैदानात उतरणार आहे. तर या महत्त्वाच्या टी20 या सामन्याची माहिती जाणून घेऊ...

कधी होणार सामना?

भारत विरुद्ध न्यूझीलंड हा तिसरा टी20 (India vs New Zealand 1st T20) आज अर्थात, 1 फेब्रवारी रोजी होणार आहे. भारतीय वेळेनुसार सायंकाळी 7 वाजता सामना खेळवला जाईल. त्यापूर्वी अर्धातास आधी नाणेफेक होणार आहे.

कुठे आहे सामना?

भारत विरुद्ध न्यूझीलंड तिसरा टी20 सामना अहमदाबादच्या नरेंद्र मोदी क्रिकेट स्टेडियमवर (Narendra Modi Cricket Stadium) खेळवला जाणार आहे.

कुठे पाहता येणार सामना?

भारत विरुद्ध न्यूझीलंड तिसऱ्या टी20 सामन्याचं लाईव्ह टेलिकास्ट स्टार स्पोर्ट्स नेटवर्कच्या विविध चॅनलवर होईल. तसेच हॉटस्टार अॅपद्वारे या सामन्याचं लाईव्ह स्ट्रिमिंग पाहता येऊ शकतं. याशिवाय https://marathi.abplive.com/ येथेही तुम्हाला सामन्याचे अपडेट्स पाहता येतील.