Ind vs Nz 1st Test : बेंगळुरूमधून मोठी अपडेट; भारत-न्यूझीलंड पहिला कसोटी संकटात! सामना होणार रद्द, काय आहे कारण
IND vs NZ 1st Test Bengaluru Weather News : भारतीय संघाने अलीकडेच रोहित शर्माच्या नेतृत्वाखाली बांगलादेशचा कसोटी मालिकेत क्लीन स्वीप केला.
India vs New Zealand Test Series : भारतीय संघाने अलीकडेच रोहित शर्माच्या नेतृत्वाखाली बांगलादेशचा कसोटी मालिकेत क्लीन स्वीप केला. आता न्यूझीलंडविरुद्धची मालिका जिंकून वर्ल्ड टेस्ट चॅम्पियनशिपमधील आपला दावा मजबूत करण्यावर त्यांची नजर असेल. टीम इंडिया सध्या WTC पॉइंट टेबलमध्ये पहिल्या स्थानावर आहे. दोन्ही संघांमधील पहिला कसोटी सामना 16 ऑक्टोबरला बेंगळुरू येथील एम चिन्नास्वामी येथे खेळवला जाणार आहे.
आता या सामन्याच्या पहिल्या दिवशी पावसाचा मोठा धोका आहे. ESPNcricinfo च्या वृत्तानुसार, पहिल्या कसोटीच्या एक दिवस आधी भारताचे सराव सत्र रद्द करावे लागले. जे सकाळी 9.30 वाजता ठरले होते, कारण मुसळधार पाऊस पडत होता. भारतीय हवामान खात्याने बेंगळुरूमध्ये मुसळधार पावसाचा अंदाज वर्तवला असून त्याचा कसोटी सामन्यावर गंभीर परिणाम होऊ शकतो.
It's raining in Bengaluru the day before India's first Test against New Zealand 🌧️ pic.twitter.com/DGIhzeTnDb
— ESPNcricinfo (@ESPNcricinfo) October 15, 2024
कसोटीच्या पहिल्या आणि दुसऱ्या दिवशी पावसाची 70% ते 90% शक्यता आहे. याशिवाय जोरदार वारेही वाहू शकतात आणि आकाश ढगाळ राहण्याचा अंदाज आहे. बेंगळुरूच्या काही भागांसह कर्नाटक राज्यातील अनेक ठिकाणी यलो अलर्ट जारी करण्यात आला आहे. सोमवारी रात्री आणि मंगळवारी सकाळी बंगळुरूमध्ये पाऊस पडला. अशा स्थितीत येत्या काही दिवसांत पाऊस असाच सुरू राहिल्यास हा कसोटी सामना अनिर्णित राहू शकतो.
न्यूझीलंडविरुद्ध भारतीय संघाचा वरचष्मा
न्यूझीलंडविरुद्धच्या कसोटी क्रिकेटमध्ये भारतीय संघाचा वरचष्मा आहे. आकडेवारी पाहिल्यानंतर हे स्पष्ट होते. दोन्ही संघांमध्ये आतापर्यंत एकूण 62 कसोटी सामने झाले आहेत, ज्यापैकी टीम इंडियाने 22 आणि न्यूझीलंडने 13 कसोटी जिंकल्या आहेत. दुसरीकडे, न्यूझीलंडमधील भारतीय भूमीवर परिस्थिती आणखी बिकट आहे. न्यूझीलंड संघाला भारतीय भूमीवर आतापर्यंत केवळ दोनच कसोटी जिंकता आल्या आहेत.
Let’s pray for a miracle or else it’s a washout @theRealRSS #INDvsNZ #bengalururains pic.twitter.com/wZ8fQMz3TN
— Sreejith Narayanan Edamana (@EdamanaSreejith) October 15, 2024
कसोटी मालिकेसाठी दोन्ही संघांचे संघ :
भारतीय संघ : रोहित शर्मा (कर्णधार), यशस्वी जैस्वाल, शुभमन गिल, विराट कोहली, केएल राहुल, ऋषभ पंत (यष्टीरक्षक), रवींद्र जडेजा, सर्फराज खान, ध्रुव जुरेल, अक्षर पटेल, रविचंद्रन अश्विन, कुलदीप यादव, जसप्रीत बुमराह, मोहम्मद सिराज, आकाश दीप.
न्यूझीलंड संघ : डेव्हॉन कॉनवे, टॉम लॅथम (कर्णधार), विल यंग, केन विल्यमसन, मायकेल ब्रेसवेल, डॅरिल मिशेल, रचिन रवींद्र, ग्लेन फिलिप्स, टॉम ब्लंडेल, मार्क चॅपमन, मिचेल सँटनर, टिम साऊदी, मॅट हेन्री, जेकब डफी, अजजाब पटेल, विल्यम ओ'रुर्के.
हे ही वाचा -
महत्त्वाच्या बातम्या
