IND vs IRE T20 Live Streaming : आज भारत विरुद्ध आयर्लंड पहिली टी20 मॅच, कधी, कुठे पाहाल सामना?
IND vs IRE : भारत आणि आयर्लंड यांच्यातील दोन टी20 सामन्यांच्या मालिकेतील पहिला आज खेळवला जाणार आहे.
India vs Ireland Live : भारत आणि आयर्लंड (India vs South Africa) यांच्यातील दोन टी20 सामन्यांच्या मालिकेतील पहिला वहिला सामना आज खेळवला जाणार आहे. भारत सध्या आयर्लंडच्या दौऱ्यावर असून आजचा सामना जिंकण्यासाठी दोन्ही संघ सर्व प्रयत्न करतील. कारण आयर्लंडसाठी भारतासारख्या बलाढ्य संघाला नमवायचं आहे, तर दक्षिण आफ्रिकेविरुद्ध मालिका जिंकता न आलेल्या भारताला ही मालिका 2-0 ने नक्कीच जिंकायची आहे. तर या सामन्यांत अंतिम 11 मध्ये कोणत्या खेळाडूंना संधी मिळेल हे पाहणं महत्त्वाचं राहिल. तर हा सामना कधी, कुठे पाहता येईल याबद्दल आम्ही तुम्हाला सांगणार आहोत...
कधी आहे सामना?
आज 26 जून रोजी होणारा भारत आणि आयर्लंड हा सामना भारतीय वेळेनुसार सायंकाळी 9 वाजता सुरु होईल. 8 वाजून 30 मिनिटांनी नाणेफेक होईल.
कुठे आहे सामना?
हा सामना आयर्लंडच्या डबलिन क्रिकेट स्टेडियमवर खेळवला जाणार आहे.
कुठे पाहता येणार सामना?
भारत आणि आयर्लंड हा आजचा सामना सोनी सिक्स चॅनेलवर पाहता येणार आहे. वेगवेगळ्या भाषेतून सामना पाहता येणार आहे. तसेच सोनी लिव्ह (Sony Liv) अॅपवरही सामना पाहता येईल. याशिवाय https://marathi.abplive.com/ येथेही तुम्हाला सामन्याचे लाईव्ह कव्हरेज पाहता येईल.
भारत विरुद्ध आयर्लंड Head to Head
भारत आणि आयर्लंड यांच्यात आतापर्यंत 3 टी-20 सामने खेळवले गेले आहे. या सर्व सामन्यात अपेक्षेप्रमाणे भारताचचं पारडं जड दिसून आलं आहे. कारण तीन पैकी तिनही सामन्यात भारतानं बाजी मारली आहे. तर, आयर्लंड संघाला एकही सामना जिंकता आलेला नाही. त्यामुळे आता या दोन सामन्यांपैकी आजचा सामना जिंकून भारत आपला विजयी रथ कायम ठेवायचा प्रयत्न करेल. तर आयर्लंड सामन्यात विजय मिळवून भारताविरुद्ध पहिला-वहिला विजय मिळवू इच्छित असेल.
महत्त्वाच्या बातम्या
