Rohit Sharma Salary Ind vs Aus ODI: शुभमन गिल एकदिवसीय संघाचा कर्णधार; रोहित शर्माला आता किती पगार मिळणार?
Rohit Sharma Salary Ind vs Aus ODI: रोहित शर्माकडून एकदिवसीय संघाचं कर्णधारपद काढून घेण्यात आले. रोहित शर्माच्या जागी आता शुभमन गिलला भारताच्या एकदिवसीय संघाच्या कर्णधारपदाची जबाबदारी देण्यात आली आहे.
Rohit Sharma Salary Ind vs Aus ODI: ऑस्ट्रेलिया दौऱ्यासाठी भारताच्या एकदिवसीय आणि टी-20 संघांची (Ind vs Aus) घोषणा करण्यात आली आहे. ऑस्ट्रेलियाविरुद्धच्या या एकदिवसीय मालिकेसाठी रोहित शर्माचा (Rohit Sharma) संघात समावेश करण्यात आला आहे. मात्र रोहित शर्माकडून एकदिवसीय संघाचं कर्णधारपद काढून घेण्यात आले. रोहित शर्माच्या जागी आता शुभमन गिलला (Shubhman Gill) भारताच्या एकदिवसीय संघाच्या कर्णधारपदाची जबाबदारी देण्यात आली आहे. रोहित शर्माला एकदिवसीय संघाच्या कर्णधारपदावरुन हटवल्यानंतर विविध चर्चांना उधाण आले आहे. दरम्यान, कर्णधारपद गमावल्यानंतर बीसीसीआयकडून रोहित शर्माला किती रुपये पगार मिळेल, याबाबतही याची चर्चाही रंगली आहे.
बीसीसीआयच्या केंद्रीय करार यादीतील खेळाडूंना ग्रेड सिस्टमनुसार पैसे दिले जातात. खेळाडूंना ग्रेड ए+, ग्रेड ए, ग्रेड बी आणि ग्रेड सी मध्ये विभागले जाते. खेळाडू कर्णधार आहे की उपकर्णधार हे महत्त्वाचे नाही. रोहित शर्मा ग्रेड ए+ श्रेणीत येतो आणि बीसीसीआय या श्रेणीतील खेळाडूंना वार्षिक 7 कोटी रुपये पगार देते. कर्णधारपद गमावल्यानंतरही, रोहित शर्मा ग्रेड ए+ श्रेणीत राहील, त्यामुळे त्याच्या पगारावर परिणाम होणार नाही. रोहित शर्मा व्यतिरिक्त, विराट कोहली, जसप्रीत बुमराह आणि रवींद्र जडेजा हे तीन क्रिकेटपटू आहेत ज्यांना दरवर्षी 7 कोटी रुपये मानधन मिळते हे लक्षात घेतले पाहिजे.
शुभमन गिलला किती रुपये मिळणार? (Shubman Gill Salary)
शुभमन गिलला बीसीसीआयच्या 2024-25 च्या केंद्रीय करार यादीत ग्रेड ए मध्ये स्थान देण्यात आले होते. बीसीसीआय भारतीय एकदिवसीय संघाचा नवा कर्णधार शुभमन गिलला दरवर्षी 5 कोटी रुपये मानधन देते. सर्व श्रेणी पाहता, ग्रेड ए+ खेळाडूंना दरवर्षी 7 कोटी रुपये, ग्रेड ए खेळाडूंना दरवर्षी 5 कोटी रुपये आणि ग्रेड बी क्रिकेटपटूंना दरवर्षी 3 कोटी रुपये मिळतात. ग्रेड सी मधील खेळाडूंना दरवर्षी 1 कोटी रुपये मिळतात.
ऑस्ट्रेलियाविरुद्धच्या वनडे मालिकेसाठीचा भारतीय संघ- (Team India ODI Squad vs Australia)
शुभमन गिल- कर्णधार, श्रेयस अय्यर- उपकर्णधार, विराट कोहली, रोहित शर्मा, अक्षर पटेल, के.एल. राहुल नितीश कुमार रेड्डी, वॉशिंग्टन सुंदर कुलदीप यादव, हर्षित राणा, मोहम्मद सिराज, अर्शदीप सिंग, प्रसिद्ध कृष्णा, ध्रुव जुरेल, यशस्वी जैस्वाल.
ऑस्ट्रेलियाविरुद्धच्या ट्वेन्टी-20 मालिकेसाठीचा भारतीय संघ- (Team India T20 Squad vs Australia)
सूर्यकुमार यादव- कर्णधार, अभिषेक शर्मा, शुभमन गिल- उपकर्णधार, तिलक वर्मा,नितीश कुमार रेड्डी, शिवम दुबे, अक्षर पटेल, जितेश शर्मा (यष्टीकरक्षक), वरुण चक्रवर्ती, जसप्रीत बुमराह, अर्शदीप सिंग, कुलदीप यादव, हर्षित राणा, संजू सॅमसन, रिंकू सिंग, वॉशिंग्टन सुंदर.
संबंधित बातमी:
महत्त्वाच्या बातम्या
