Ind vs Aus 2nd Test Day-2 : मार्नस लाबुशेन अन् हेडने टीम इंडियाला रडवलं! दुसऱ्या दिवशी पहिल्या सत्रात काय घडलं?
भारत आणि ऑस्ट्रेलिया यांच्यातील पाच सामन्यांच्या कसोटी मालिकेतील दुसरा सामना शुक्रवारपासून (6 डिसेंबर) ॲडलेडमध्ये खेळवला जात आहे.
Australia vs India 2nd Test : भारत आणि ऑस्ट्रेलिया यांच्यातील पाच सामन्यांच्या कसोटी मालिकेतील दुसरा सामना शुक्रवारपासून (6 डिसेंबर) ॲडलेडमध्ये खेळवला जात आहे. पहिला दिवस ऑस्ट्रेलियाच्या नावावर होता. पहिल्या दिवशी त्याने भारतीय संघाला दोन सत्रात 180 धावांवर ऑलआऊट केले. आज दुसऱ्या दिवशी चहापानापर्यंत ऑस्ट्रेलियाने पहिल्या डावात चार गडी गमावून 191 धावा केल्या होत्या. ट्रॅव्हिस हेड 67 चेंडूत 53 धावा केल्यानंतर फलंदाजी करत आहे. आतापर्यंत त्याने आपल्या खेळीत चार चौकार आणि दोन षटकार मारले आहेत. त्याच्यासोबत मिचेल मार्श नाबाद आहे. या अर्थाने आतापर्यंत ऑस्ट्रेलियाकडे टीम इंडियावर 11 धावांची आघाडी आहे.
सकाळी आज ऑस्ट्रेलियाने तीन विकेट गमावल्या आहेत. यामध्ये नॅथन मॅकस्विनी (39), स्टीव्ह स्मिथ (2) आणि मार्नस लॅबुशेन यांच्या विकेट्सचा समावेश आहे. लॅबुशेनने 64 धावा केल्या. मॅकस्विनी आणि स्मिथला बुमराहने बाद केले, तर लॅबुशेनला नितीश रेड्डीने बाद केले. शुक्रवारी उस्मान ख्वाजाला बुमराहने बाद केले.
PTI INFOGRAPHICS | IND vs AUS: Travis Head and Marnus Labuschagne score fifties as Australia reach 191 for 4 at tea; lead India by 11 runs on day 2 of pink ball Test in Adelaide. Here’s the scoreboard after the end of first session on Day 2.#INDvsAUS #BorderGavaskarTrophy… https://t.co/eMgKcwmPjo pic.twitter.com/EoCZOqbf0m
— Press Trust of India (@PTI_News) December 7, 2024
तत्पूर्वी, भारतीय संघ 44.1 षटकांत 180 धावांवर बाद झाला. नितीश रेड्डीच्या खेळीच्या जोरावर भारतीय संघ 200 च्या जवळ पोहोचला. सामन्याच्या पहिल्याच चेंडूवर यशस्वी जैस्वाल शून्यावर बाद झाला. केएल राहुलने 37 आणि शुभमन गिलने 31 धावा केल्या. विराट कोहली 7 धावा करून बाद झाला. रोहित शर्माने 3, ऋषभ पंतने 21, रविचंद्रन अश्विनने 22, नितीश रेड्डीने 42 धावा केल्या. हर्षित राणा आणि जसप्रीत बुमराह यांना खातेही उघडता आले नाही. मोहम्मद सिराज 4 धावा करून नाबाद राहिला. मिचेल स्टार्कने सर्वाधिक 6 बळी घेतले. स्कॉट बोलँड आणि पॅट कमिन्सने 2-2 विकेट घेतल्या.
भारताने नाणेफेक जिंकून प्रथम फलंदाजी करण्याचा निर्णय घेतला. भारतीय संघाने प्लेइंग 11 मध्ये 3 बदल केले आहेत. रोहित शर्मा, शुभमन गिल आणि रविचंद्रन अश्विन संघात आले. तर देवदत्त पडिक्कल, ध्रुव जुरेल आणि वॉशिंग्टन सुंदर हे भारतीय संघातील प्लेइंग 11 मधून बाहेर गेले. ऑस्ट्रेलियाची प्लेइंग 11 आधीच जाहीर झाली होती. पॅट कमिन्सच्या संघात 1 बदल करण्यात आला आहे. दुखापतग्रस्त जोश हेझलवूडच्या जागी स्कॉट बोलँडला संधी मिळाली. भारतीय संघाने पर्थ येथे खेळली गेलेली पहिली कसोटी जिंकून 1-0 अशी आघाडी घेतली.
हे ही वाचा -
महत्त्वाच्या बातम्या
ट्रेंडिंग न्यूज
