(Source: ECI/ABP News/ABP Majha)
Ind vs Aus 1st Test : पोरांनी पर्थचे मैदान मारलं! टीम इंडियाने कांगारुंना 295 धावांनी लोळवलं, मालिकेत 1-0 ने आघाडी
Australia vs India 1st Test : भारत आणि ऑस्ट्रेलिया यांच्यात पाच सामन्यांची कसोटी मालिका खेळवली जात आहे. या मालिकेतील पहिल्या सामन्यात टीम इंडिया ऑस्ट्रेलियाचा पराभव केला.
Australia vs India 1st Test : पर्थ कसोटीत ऑस्ट्रेलियाच्या पराभवाची कहाणी लिहिली गेली आहे. टीम इंडियाने पर्थमध्ये सर्वांच्या अपेक्षांच्या पलीकडे जाऊन हा चमत्कार केला. पर्थ कसोटीत भारताने ऑस्ट्रेलियाचा 295 धावांनी पराभव केला, हा त्याचा परदेशातील सर्वात मोठा विजय आहे. 5 कसोटी सामन्यांच्या मालिकेतील पहिला सामना पर्थमध्ये खेळला जात होता, जो जिंकून टीम इंडियाने 1-0 अशी आघाडी घेतली होती.
पर्थ कसोटी जिंकण्यासाठी भारताने ऑस्ट्रेलियासमोर 534 धावांचे लक्ष्य ठेवले होते. मात्र अपेक्षेप्रमाणे तो धावांचा हा डोंगर चढण्यात अपयशी ठरला. यामध्ये भारताच्या वेगवान गोलंदाजीची भूमिका निर्णायक ठरली. कर्णधार बुमराहच्या नेतृत्वाखाली भारताच्या वेगवान आक्रमणाने दोन्ही डावात ऑस्ट्रेलियन फलंदाजांना पाणी पाजले. त्याचाच परिणाम भारताला पर्थमध्ये मोठा विजय मिळाला.
Jasprit Bumrah leads India to a memorable victory in Perth.#WTC25 | #AUSvIND 📝: https://t.co/jjmKD0eEV6 pic.twitter.com/nBrBnPJF25
— ICC (@ICC) November 25, 2024
पहिल्या डावात वेगवान गोलंदाजांचा डंका!
या सामन्यात भारत आणि ऑस्ट्रेलियाच्या पहिल्या दोन डावातील सर्व 10 विकेट वेगवान गोलंदाजांनी घेतल्या. नितीश कुमार रेड्डी याने भारतीय संघाकडून पहिल्या डावात सर्वाधिक 41 धावा केल्या होत्या. अशा प्रकारे भारतीय संघाला 150 धावा करता आल्या. ऑस्ट्रेलियाकडून पॅट कमिन्स, मिचेल स्टार्क आणि मिचेल मार्श यांनी प्रत्येकी दोन गडी बाद केले. तर हेझलवूडला सर्वाधिक चार यश मिळाले. प्रत्युत्तरात ऑस्ट्रेलियाचा संघ दुसऱ्या डावात 104 धावांत सर्वबाद झाला. बुमराहने भारतीय संघाकडून सर्वाधिक 5 विकेट घेतल्या त्यामुळे भारताला 46 धावांची आघाडी मिळाली. तर हर्षित राणाने 3 तर मोहम्मद सिराजने 2 बळी घेतले. ऑस्ट्रेलियाकडून पहिल्या डावात सर्वाधिक धावा करणारा मिचेल स्टार्क (26) होता.
टीम इंडिया दुसरा डाव
पर्थ कसोटीच्या दुसऱ्या डावात भारताकडून यशस्वी जैस्वाल (161)आणि विराट कोहली (100) यांनी शानदार शतकी खेळी खेळली. कोहलीच्या कसोटी कारकिर्दीतील हे 30 वे शतक होते आणि आंतरराष्ट्रीय सामन्यातील त्याचे या वर्षातील पहिले शतक होते. जैस्वालने आपल्या शतकासह अनेक विक्रम केले.
तत्पूर्वी, केएल राहुलने सलामीला जैस्वालसोबत 201 धावांची ऐतिहासिक भागीदारी केली. पण सातव्या विकेटसाठी विराट कोहली आणि नितीश रेड्डी यांनी 77 धावांची नाबाद भागीदारी केली. कोहलीच्या शतकासह भारतीय संघाने 6 बाद 487 धावा करून डाव घोषित केला. नितीश रेड्डीही 38 धावा (तीन चौकार आणि दोन षटकार) करून नाबाद परतला.
ऑस्ट्रेलियाचा पराभव
आता पर्थ कसोटीत ऑस्ट्रेलियासमोर 534 धावांचे लक्ष्य होते, ज्याचा पाठलाग करताना त्यांनी अवघ्या 29 धावांत त्यांचे आघाडीचे 4 विकेट गमावले. याचाच परिणाम असा झाला की हा 136 वर्षे जुना विक्रम मोडला गेला. यापूर्वी 1888 साली मँचेस्टर येथे झालेल्या कसोटीत ऑस्ट्रेलियाचे चार आघाडीचे फलंदाज 38 धावांत बाद झाले होते. दुसऱ्या डावात ऑस्ट्रेलियाकडून ट्रॅव्हिस हेडने सर्वाधिक 89 धावा केल्या. त्याच्याशिवाय मिचेल मार्शने 47 धावांची खेळी केली. पण टीम इंडियाने ऑस्ट्रेलियासमोर उभारलेल्या धावसंख्येसारखा डोंगर चढण्यासाठी हे पुरेसे नव्हते.
महत्त्वाच्या बातम्या
ट्रेंडिंग न्यूज
