IND L vs SA L: सचिन तेंडुलकरच्या चाहत्यांमध्ये नाराजी; अवघ्या 16 धावांत परतला माघारी
Road Safety World Series 2022: इंडिया लीजेंड्स आणि दक्षिण आफ्रिका लीजेंड्स (India Legends vs South Africa Legends) यांच्यात रोड सेफ्टी वर्ल्ड सिरीजच्या दुसऱ्या हंगामातील पहिला सामना खेळला जात आहे.
Road Safety World Series 2022: इंडिया लीजेंड्स आणि दक्षिण आफ्रिका लीजेंड्स (India Legends vs South Africa Legends) यांच्यात रोड सेफ्टी वर्ल्ड सिरीजच्या दुसऱ्या हंगामातील पहिला सामना खेळला जात आहे. या सामन्यात नाणेफेक जिंकून इंडिया लीजेंड्सच्या संघानं प्रथम फलंदाजी करण्याचा निर्णय घेतला. दरम्यान, सचिन तेंडुलकरला (Sachin Tendulkar) गेल्या अनेक वर्षांनंतर मैदानात खेळताना पाहण्यासाठी आलेल्या प्रेक्षक आणि चाहत्यांमध्ये नाराजी पाहायला मिळत आहे. दक्षिण आफ्रिका लीजेंड्सविरुद्ध सचिनच्या बॅटीतून धावांचा पाऊस पाहायला मिळेल, अशी अनेकांची अपेक्षा होती. परंतु, सचिन तेंडुलकर अवघ्या 16 धावांवर बाद होऊन माघारी परतला आहे.
दिर्घकाळानंतर क्रिकेटच्या मैदानावर पुनरागमन करणाऱ्या सचिन तेंडुलकरला दक्षिण आफ्रिका लीजेंड्सविरुद्ध काही खास कामगिरी करता आली नाही. या सामन्यात त्यानं 15 चेंडूत 2 चौकारांच्या मदतीनं 16 धावा केल्या. मखाया एनथिनीच्या गोलंदाजीवर सचिन तेंडुलकरनं आपली विकेट्स गमावली. सचिन बाद झाल्यानंतर त्याच्या चाहत्यांमध्ये काहीशी निराशा पाहायला मिळाली. परंतु, पुढच्या सामन्यात सचिन धमाकेदार फलंदाजी करेल आणि मोठी धावसंख्या करेल, अशी त्याच्या चाहत्यांना अपेक्षा आहे.
रोड सेफ्टी वर्ल्ड सिरीजचं स्वरूप
रोड सेफ्टी वर्ल्ड सिरीजच्या दुसऱ्या हंगामात आठ संघ सहभागी झाले आहेत. ही स्पर्धा आजपासून येत्या 1 ऑक्टोबरपर्यंत सुरू राहील. या स्पर्धेच्या साखळी सामन्यात प्रत्येक संघ 5-5 सामने खेळेल. या स्पर्धेतील पहिला 7 सामने कानपूरमध्ये खेळवले जाणार आहेत. त्यानंतर इंदूरमध्ये 5 सामने, डेहराडूनमध्ये 6 आणि रायपूरमध्ये 2 सामन्यांचा थरार पाहायला मिळणार आहे. या स्पर्धेतील टॉपच्या चार संघांना उपांत्य फेरीत स्थान मिळेल. ज्यातील दोन संघ अंतिम फेरीसाठी पात्र ठरतील. अंतिम सामना 1 ऑक्टोबरला होणार आहे.
संघ-
इंडिया लीजेंड्स प्लेईंग इलेव्हन:
सचिन तेंडुलकर (कर्णधार), नमन ओझा (विकेट किपर), सुरेश रैना, युवराज सिंह, युसूफ पठाण, इरफान पठाण, स्टुअर्ट बिन्नी, मनप्रीत गोनी, मुनाफ पटेल, राहुल शर्मा, प्रज्ञान ओझा.
दक्षिण आफ्रिका प्लेईंग इलेव्हन:
हेन्री डेव्हिड्स, मॉर्न व्हॅन विक (विकेटकिपर), अल्विरो पीटरसन, जॅक रुडॉल्फ, जॉन्टी रोड्स (कर्णधार), जोहान बोथा, एडी ली, जोहान व्हॅन डर वॅथ, गार्नेट क्रुगर, मखाया एनथिनी, अँड्र्यू पुटीक.
हे देखील वाचा-
महत्त्वाच्या बातम्या
