IND vs WI, 2nd ODI, Pitch Report : आज रंगणार भारत विरुद्ध वेस्ट इंडीज दुसरा एकदिवसीय सामना, कशी असेल मैदानाची स्थिती?

IND vs WI, 2nd ODI : भारतीय संघ आज वेस्ट इंडीज विरुद्ध दुसरा एकदिवसीय सामना खेळणार असून या सामन्यात विजय मिळवल्यास भारत मालिकाही जिंकू शकतो.

प्रातिनिधीक फोटो

IND vs WI, 2nd ODI, Queen Park Oval Stadium : आज भारत आणि वेस्ट इंडीज यांच्यात पोर्ट ऑफ स्पेन येथील क्विन्स पार्क ओव्हल स्टेडियमवर दुसरा एकदिवसीय सामना खेळवला जाणार आहे. मालिकेतील पहिला सामना जिंकल्यामुळे भारत 1-0 ने पुढे असल्याने आजचा सामना जिंकून भारत मालिका जिंकू शकतो. दरम्यान भारत आणि वेस्ट इंडीज (India vs West indies) यांच्यातील दुसऱ्या एकदिवसीय सामन्यात मैदानाची स्थिती कशी असेल, ते पाहूया...

आजचा सामना होणाऱ्या मैदानातच पहिला सामना खेळवण्यात आला. विशेष म्हणजे दोन्ही संघानी 300 पार धावसंख्या नेली. केवळ 3 धावांनी भारत जिंकला. पण एक चुरशीचा सामना आज पाहायला मिळाला. दरम्यान मैदानाची खेळपट्टी ही फिरकीपटूंसाठी अधिक फायदेशीर असून त्यांना जास्त विकेट मिळून ते धावाही रोखू शकतात. दरम्यान यामुळे भारतीय गोलंदाजीची धुरा युजवेंद्र चहलकडे अधिक असेल. मैदानाची खेळपट्टी एक मोठी धावसंख्या देखील संघाना मिळवून देऊ शकते. त्यामुळे पहिल्या सामन्याप्रमाणे एक मोठी धावसंख्या होऊ शकते. 

भारत मालिकेत आघाडीवर

भारत विरुद्ध वेस्ट इंडीज (India vs West Indies) यांच्यातील पहिल्या एकदिवसीय सामन्यात भारत 3 धावांनी विजयी झाला. या विजयासह भारताने मालिकेत 1-0 ची आघाडी घेतली. सामन्यात वेस्ट इंडीजच्या रोमारीयो शेफर्ड आणि अकेल हुसेन यांनी अखेरच्या षटकांमध्ये तुफान फटकेबाजी केली, पण केवळ 3 धावा कमी पडल्याने वेस्ट इंडीज सामना जिंकू शकले नाहीत. आधी फलंदाजी करत भारताने 50 षटकात 308 धावा केल्या. विजयासाठी वेस्ट इंडीजला 50 षटकात 309 धावा करायच्या होत्या. पण वेस्ट इंडीज 50 षटकात 6 गडी गमावून 305 धावाच करु शकले.  

संभाव्य भारतीय संघ - शिखर धवन (कर्णधार), शुभमन गिल, दीपक हुडा, सूर्यकुमार यादव, श्रेयस अय्यर, रवींद्र जाडेजा, संजू सॅमसन (विकेटकिपर),  युजवेंद्र चहल, प्रसिद्ध कृष्णा, मोहम्मद सिराज, अर्शदीप सिंह.

संभाव्य वेस्ट इंडीज संघ - निकोलस पूरन (कर्णधार), शाई होप (उपकर्णधार), शेमार ब्रुक, जेसन होल्डर, अकिल होसेन, अल्झारी जोसेफ, ब्रँडन किंग, काइल मेयर्स, गुडाकेश मोटे, कीमो पॉल, रोव्हमन पॉवेल, जयडेन सील्स 

हे देखील वाचा-