Shakib Al Hasan : शाकिब अल हुसेनचे लाजिरवाणे कृत्य, अंपायरशी वाद घालत स्टंप्स फेकून दिल्या
बांग्लादेशात सुरु असलेल्या ढाका प्रिमियर लिगमध्ये (Dhaka Premier League) शाकिब अल हसनने (Shakib Al Hasan) अंपायरच्या नॉट आऊटच्या निर्णयावर आपली खिलाडूवृत्ती गुंडाळून स्टंपवर लाथ मारली आणि नंतर त्या काढून फेकल्या. त्याच्या या कृत्यावर क्रिकेटप्रेमींकडून नाराजी व्यक्त करण्यात येत आहे.
नवी दिल्ली : बांग्लादेशात सुरु असलेल्या ढाका प्रिमियर लिग मध्ये अष्टपैलू खेळाडू शाकिब अल हसनने अंपायरच्या नॉट आऊटच्या निर्णयावर नाराजी व्यक्त स्टंपवर लाथ मारली आणि नंतर त्या सर्व स्टंप्स काढून फेकून दिल्या. आपल्या एलबीडब्लूच्या अपीलवर अंपायरनी नॉट आऊटचा निर्णय दिल्यानंतर शाकिबने हे कृत्य केलं. आता शाकिब हसनचा हा व्हिडीओ व्हायरल होत असून त्याला सोशल मीडियावर मोठ्या प्रमाणात ट्रोल केलं जात आहे.
बांग्लादेशात ढाका प्रिमियर लिग ही टी-20 ची मालिका सुरु आहे. त्यामध्ये मोहमद्दन स्पोर्टिंग क्लब आणि अबाहानी लिमिटेड या दोन संघादरम्यान सामना सुरु होता. मोहमद्दन स्पोर्टिंगचा खेळाडू शाकिब हसनने अबाहानी लिमिटेडच्या मुश्फिकुर रहीम याच्याविरोधात एलबीडब्लूचे अपील केलं. त्यावर अंपायरनी नॉट आऊटचा निर्णय घेतला. अंपायरच्या या निर्णयावर शाकिबने त्यांच्याशी वाद घातला आणि स्टंपवर लाथ मारली.
Shakib Al Hasan not very impressed with the umpire in this Dhaka Premier Division Cricket League match #Cricket pic.twitter.com/iEUNs42Nv9
— Saj Sadiq (@Saj_PakPassion) June 11, 2021
या सामन्याचा आणखी एक व्हिडीओ व्हायरल होत असून त्यामध्ये शाकिबने क्रिकेटची खिलाडूवृत्ती बाजूला सारून अंपायरशी वाद घातल्याचं दिसून येतं. त्यानंतर रागाच्या भरात शाकिबने तिनही स्टंप्स काढून काढल्या आणि त्या पीचवर फेकल्या. शाकिबच्या या हरकतीवर आता सोशल मीडियामध्ये त्याला ट्रोल केलं जात आहे. त्याच्यावर कायमस्वरुपी बंदी आणावी अशी मागणी क्रिकेट चाहत्यांनी बांग्लादेश क्रिकेट बोर्डकडे आणि आयसीसीकडे केली आहे.
आपल्या चुकीच्या वर्तनाची उपरती झाल्यानंतर आता शाकिब हसनने क्रिकेट चाहत्यांची माफी मागितली आहे. अशा पद्धतीची घटना पुन्हा होणार नाही असं त्यांने सांगितलं आहे.
महत्वाच्या बातम्या :
महत्त्वाच्या बातम्या
ट्रेंडिंग न्यूज
