CSK Playing 11 : MS धोनी OUT, संजू सॅमसन विकेटकीपर, तर... अशी असणार चेन्नई सुपर किंग्सची हादरवणारी प्लेइंग-11
CSK Playing 11 vs RR IPL 2026 : चेन्नई सुपर किंग्सच्या आयपीएल 2026 मोहिमेला 30 मार्च रोजी सुरुवात होत आहे.
CSK Playing 11 vs RR IPL 2026 : चेन्नई सुपर किंग्सच्या (Chennai Super Kings) आयपीएल 2026 (IPL 2026) मोहिमेला 30 मार्च रोजी सुरुवात होत आहे. पाच वेळचा विजेता संघ आपल्या सलामीच्या सामन्यात राजस्थान रॉयल्सचा (RR vs CSK) सामना करेल. आयपीएलच्या 19 व्या हंगामाच्या सुरुवातीपूर्वी, एक महत्त्वपूर्ण बातमी समोर आली, ज्यामुळे संघाच्या अडचणींमध्ये भर पडली.
चेन्नई फ्रँचायझीने जाहीर केले की माजी कर्णधार एम एस धोनी (MS Dhoni) पहिल्या दोन आठवड्यांत खेळू शकणार नाही. पोटरीच्या स्नायूला झालेल्या दुखापतीमुळे धोनी पुनर्वसन उपचार घेत आहे. याचा अर्थ तो सीएसकेसाठी दोन ते तीन सामने मुकू शकतो. या बातमीनंतर, धोनीशिवाय चेन्नई सुपर किंग्सचा प्लेइंग इलेव्हन कसा असेल हे जाणून घेण्यासाठी चाहते उत्सुक आहेत.
संजू सॅमसनकडे यष्टिरक्षणाची जबाबदारी
जर धोनी प्लेइंग इलेव्हनसाठी उपलब्ध असता, तर साहजिकच त्याने यष्टीरक्षणाची जबाबदारी स्वीकारली असती. पण, तो सुरुवातीच्या सामन्यांमध्ये खेळू शकणार नसल्यामुळे, संजू सॅमसनचा यष्टीरक्षक-फलंदाज म्हणून प्लेइंग इलेव्हनमध्ये समावेश होण्याची शक्यता जवळपास निश्चित आहे. चेन्नई सुपर किंग्सने नुकतेच त्याच्या सोशल मीडियावर संघाच्या सराव सत्राचे व्हिडिओ पोस्ट केले आहेत, ज्यामध्ये सॅमसन यष्टीरक्षण करताना दिसत आहे. यावरून हे स्पष्ट होते की, सॅमसन सलामीच्या सामन्यांसाठी डावाची सुरुवात करेल.
ऋतुराजसोबत सॅमसनची ओपनिंग
कर्णधार ऋतुराज गायकवाड (Ruturaj Gaikwad) आणि सॅमसन हे दोघे डावाची सुरुवात करतील, अशी पुष्टी झाली आहे. सॅमसनने यापूर्वीही ओपनिंगमध्ये चांगली कामगिरी केली आहे, त्यामुळे सीएसकेला त्याच्याकडून मोठ्या अपेक्षा असतील. सॅमसनने राजस्थान रॉयल्ससाठीही सलामी दिली आहे. तो भारतीय टी-20 संघाकडूनही खेळला आहे आणि नुकत्याच संपन्न झालेल्या टी-20 विश्वचषकात संघाला विजेतेपद मिळवून दिले आहे. त्यामुळे, सॅमसन चेन्नईसाठी आपला फॉर्म कायम ठेवण्याची आशा करत असेल.
मागील हंगामात काही स्फोटक खेळी खेळणारा उर्विल पटेल चेन्नईसाठी तिसऱ्या क्रमांकावर फलंदाजी करण्याची शक्यता आहे. दक्षिण आफ्रिकेचा युवा स्फोटक फलंदाज डेवाल्ड ब्रेविस चौथ्या क्रमांकावर फलंदाजी करण्याची शक्यता आहे, त्यानंतर पाचव्या क्रमांकावर भारतीय अष्टपैलू शिवम दुबे असेल. सहाव्या क्रमांकासाठी सरफराज खान आणि भारताचा 19 वर्षांखालील विश्वचषक विजेता कर्णधार आयुष म्हात्रे यांच्यात चुरशीची स्पर्धा होऊ शकते.
प्रशांत वीर की कार्तिक शर्मा?
संघाकडे सातव्या क्रमांकासाठीही प्रशांत वीर आणि कार्तिक शर्मा हे दोन पर्याय आहेत. लिलावात फ्रँचायझीने या दोघांनाही मोठ्या रकमेत खरेदी केले आहे. कोणाला संधी मिळते हे पाहणे बाकी आहे. गोलंदाजी विभागात, अकील हुसेन आणि नूर अहमदची मुख्य फिरकी गोलंदाज म्हणून निवड होऊ शकते. मॅट हेन्री आणि खलील अहमदच्यावर वेगवान गोलंदाजीची जबाबदारी असू शकते.
CSK ची संभाव्य प्लेइंग इलेव्हन -
संजू सॅमसन (यष्टीरक्षक), ऋतुराज गायकवाड (कर्णधार), उर्विल पटेल, डेवाल्ड ब्रेविस, शिवम दुबे, सरफराज खान/आयुष म्हात्रे, कार्तिक शर्मा/प्रशांत वीर, अकील हुसेन, नूर अहमद, मॅट हेन्री, खलील अहमद.
हे ही वाचा -
महत्त्वाच्या बातम्या
