IPL Auction 2025 : ऋतुराजची होणार उचलबांगडी... पंत असणार CSKचा नवा कर्णधार? CEOच्या 'या' वक्तव्यामुळे उडाली खळबळ
ऋषभ पंतमुळे आयपीएल 2025 मेगा लिलावाची उत्सुकता वाढली आहे. लिलावात चेन्नई सुपर किंग्स पंतला टार्गेट करू शकते, अशीही चर्चा क्रिकेट विश्वात रंगली आहे.
Rishabh Pant in CSK : 31 ऑक्टोबर रोजी आयपीएलच्या सर्व संघांची रिटेन्शन लिस्ट समोर आली. अपेक्षेप्रमाणे दिल्ली कॅपिटल्सने ऋषभ पंतला रिलीज केले होते. ज्यामुळे आयपीएल 2025 मेगा लिलावाची उत्सुकता वाढली आहे. लिलावात चेन्नई सुपर किंग्स पंतला टार्गेट करू शकते, अशीही चर्चा क्रिकेट विश्वात रंगली आहे. परंतु सीएसकेने आधीच पाच खेळाडूंना कायम ठेवून अर्ध्याहून अधिक पर्स रिकामी केली आहेत. सीएसकेचे सीईओ कासी विश्वनाथन यांनी आयपीएल 2025 च्या लिलावादरम्यान ऋषभ पंत चेन्नईला येणार असल्याच्या अफवांवर प्रतिक्रिया दिली आहे.
आता, माजी भारतीय क्रिकेटपटू अंबाती रायडूशी पॉडकास्टवर चर्चा करताना, काशी विश्वनाथन म्हणाले की, सीएसके पुन्हा जुन्या खेळाडूंना खरेदी करण्याचा प्रयत्न करेल. तो म्हणाला, "रिटेन्शन लिस्ट तयार करण्याआधी आम्ही कर्णधार ऋतुराज गायकवाड, एमएस धोनी आणि प्रशिक्षक स्टीफन फ्लेमिंग यांच्याशी बोललो होतो. आमचा हेतू स्पष्ट आहे की ज्या खेळाडूंनी गेल्या अनेक वर्षांमध्ये संघासाठी योगदान दिले आहे, त्यांनाच सीएसकेसाठी कायम केले जावे जास्त महत्वाचे आहेत."
काशी विश्वनाथन म्हणतो की, लिलावात भारतातील मोठ्या खेळाडूंना खरेदी करण्याचा प्रयत्न करणार आहे, पण पर्समध्ये कमी पैसे राहिल्याने त्यांना निराशेचा सामना करावा लागू शकतो. ते म्हणाले की, "आम्हाला ऋतुराज गायकवाड, रवींद्र जडेजा, एमएस धोनी, शिवम दुबे आणि मथिशा पाथिराना यांना कायम ठेवण्याचा निर्णय घेणे सोपे होते. पण आम्हाला माहित होते की जर आम्ही या खेळाडूंना कायम ठेवायला गेलो तर आमची पर्स रिकामी होईल. मला माहीत आहे की लिलावात इतर मोठ्या भारतीय खेळाडूंना विकत घेण्याच्या बाबतीत आम्ही खूप जास्त बोली लावू शकणार नाही, परंतु मला वाटत नाही की आम्ही त्यांना खरेदी करू शकू. म्हणजे, आम्ही त्याला (पंत) लिलावात घेऊ शकू."
पंत यापूर्वी दिल्लीचा कर्णधार होता आणि तो तिन्ही फॉरमॅटमध्ये टीम इंडियाकडून खेळत आहे. अशा परिस्थितीत जर तो CSK मध्ये गेला तर नक्कीच कर्णधार असेल. चेन्नईला भविष्यासाठी यष्टिरक्षकाची गरज आहे, त्यासाठी पंत हा सर्वोत्तम पर्याय आहे. त्यामुळेच आता पंतने सीएसकेची कमान हाती घेतल्याच्या बातम्या येत आहेत.
आयपीएल 2024 मध्ये धोनीचा उत्तराधिकारी म्हणून ऋतुराज गायकवाडची निवड करण्यात आली आणि त्याला कर्णधारपद देण्यात आले. ऋतुराजने 14 सामन्यांमध्ये CSK चे नेतृत्व केले, ज्यामध्ये 7 सामन्यांमध्ये तो संघाला विजयापर्यंत नेण्यात यशस्वी झाला आणि 7 सामन्यांमध्ये संघाला पराभवाला सामोरे जावे लागले. गायकवाडच्या नेतृत्वाखाली चेन्नई प्लेऑफसाठी पात्र झाला नव्हता आणि पाचव्या स्थानावर राहून ते स्पर्धेतून बाहेर पडले.
CSK कडे किती पैसे शिल्लक आहेत?
चेन्नई सुपर किंग्जने ऋतुराज गायकवाडला 18 कोटी, मथिशा पाथिराना 13 कोटी, शिवम दुबे 12 कोटी, रवींद्र जडेजा 18 कोटी आणि एमएस धोनी अनकॅप्ड खेळाडू म्हणून 4 कोटी रुपयांमध्ये कायम ठेवले आहेत. सीएसकेने या 5 खेळाडूंवर 65 कोटी रुपये खर्च केले आहेत. याचा अर्थ CSK कडे संघ तयार करण्यासाठी 55 कोटी रुपये उपलब्ध आहेत.
महत्त्वाच्या बातम्या
ट्रेंडिंग न्यूज
