Champions Trophy 2025 Ind vs Pak Match: पाकिस्तानविरुद्धच्या सामन्याआधी टीम इंडियाला धक्का; दिग्गज खेळाडूला आला ताप, शुभमन गिलची माहिती
Champions Trophy 2025 Ind vs Pak Match: टीम इंडियाचा उपकर्णधार शुभमन गिल शनिवारी पाकिस्तानविरुद्धच्या सामन्यापूर्वी पत्रकार परिषदेत उपस्थित होता.
Champions Trophy 2025 Ind vs Pak Match: चॅम्पियन्स ट्रॉफी 2025 स्पर्धेतील (Champions Trophy 2025 Ind vs Pak) हायव्होलटेज सामना म्हणजेच भारत आणि पाकिस्तानचा सामना आज (23 फ्रेब्रुवारी) रंगणार आहे. दुबईच्या मैदानावर भारत आणि पाकिस्तानचा सामना दुपारी 2.30 वाजता खेळवण्यात येईल. भारताविरुद्ध होणाऱ्या सामन्यात पाकिस्तानला काहीही करुन विजय मिळवावा लागेल. जर पाकिस्तान संघाने हा सामना गमावला तर त्यांना चॅम्पियन्स ट्रॉफीच्या उपांत्य फेरीत पोहोचणे जवळजवळ अशक्य होईल. मात्र पाकिस्तानविरुद्धच्या सामन्याआधी भारताला धक्का बसला आहे.
It's Super Sunday at the #ChampionsTrophy as Pakistan takes on India. Who's winning this blockbuster match? 🤔
— ICC (@ICC) February 23, 2025
How to watch 👉 https://t.co/S0poKnwS4p pic.twitter.com/TiNKdWIglY
ऋषभ पंतला आला ताप-
टीम इंडियाचा उपकर्णधार शुभमन गिल शनिवारी पाकिस्तानविरुद्धच्या सामन्यापूर्वी पत्रकार परिषदेत उपस्थित होता. भारत-पाकिस्तान सामन्याबद्दल शुभमन गिला म्हणाला की, हा एक मोठा सामना आहे, पण कोणत्याही स्पर्धेतील सर्वात मोठा सामना हा अंतिम सामना असतो. दरम्यान, दुबईमध्ये चॅम्पियन्स ट्रॉफीचे सामने खेळणारी टीम इंडिया आयसीसी अकादमीमध्ये सराव करत आहे. शनिवारी, विराट कोहलीसह काही खेळाडू वेळेच्या 1 तास आधी पोहोचले आणि सराव सुरू केला. यानंतर उर्वरित खेळाडू सरावासाठी आले पण यष्टीरक्षक ऋषभ पंत आला नाही. त्यामुळे पत्रकार परिषदेत शुभमन गिलला ऋषभ पंतबाबत प्रश्न विचारण्यात आला. यावर ऋषभ पंतला ताप आल्याची माहिती शुभमन गिलने दिली. दरम्यान चॅम्पियन्स ट्रॉफीतील पहिल्या सामन्यात ऋषभ पंतचा प्लेइंग इलेव्हनमध्ये समावेश नव्हता. भारताचा पहिला सामना बांगलादेशविरुद्ध खेळवण्यात आला. या सामन्यात भारताने 6 विकेट्सने विजय मिळवत स्पर्धेत विजयी सुरुवात केली.
Shubman Gill confirmed Rishabh Pant missed India's training session due to viral fever. pic.twitter.com/WI7T6n7j5G
— Mufaddal Vohra (@mufaddal_vohra) February 22, 2025
भारताचा संपूर्ण संघ (Team India) :
रोहित शर्मा (कर्णधार), शुभमन गिल (उप-कर्णधार), विराट कोहली, श्रेयस अय्यर, केएल राहुल, ऋषभ पंत, हार्दिक पांड्या, अक्षर पटेल, वॉशिंगटन सुंदर, रवींद्र जड़ेजा, कुलदीप यादव, वरुण चक्रवर्ती, हर्षित राणा, मोहम्मद शमी, अर्शदीप सिंह
पाकिस्तानचा संपूर्ण संघ (Pakistan Team) :
बाबर आझम, कामरान गुलाम, सऊद शकील, तैयब ताहिर, फहीम अशरफ, खुशदिल शाह, सलमान अली आगा (उप-कर्णधार), मोहम्मद रिजवान (कर्णधार), उस्मान खान, अबरार अहमद, हारिस रऊफ, मोहम्मद हसनैन, नसीम शाह, शाहीन शाह आफरीदी, इमाम-उल-हक
संबंधित बातमी:
रोहितसेना पाकचं पॅकअप करणार?, VIDEO:
महत्त्वाच्या बातम्या
