Andrew Symonds : 'त्या गाडीत अँड्र्यू सायमंड्ससोबत होते त्याचे दोन श्वान, मृत्यूनंतरही मालकाला सोडत नव्हते,' प्रत्यक्षदर्शींचा खुलासा

क्रिकट जगतातील एक महान माजी अष्टपैलू खेळाडू असणाऱ्या ऑस्ट्रेलियाच्या अँड्र्यू सायमंड्सचा रविवारी कार अपघातात मृत्यू झाला. पण त्याचा मृत्यू झाला तेव्हा गाडीत त्याच्यासह त्याचे पाळीव श्वानही होते.

Andrew Symonds dogs

Andrew Symonds car accident : ऑस्ट्रेलियाचा माजी दिग्गज क्रिकेटपटू अँड्र्यू सायमंड्सचा रविवारी कार अपघातात मृत्यू झाला. दरम्यान अँड्र्यू असणाऱ्या गाडीत कोणतीही इतर व्यक्ती नव्हती. पण त्याचे दोन पाळीव श्वान यावेळी त्याच्यासोबत असल्याची माहिती मेल ऑनलाईन या इंग्रजी वेबसाईटने दिली आहे. विशेष म्हणजे प्रत्यक्षदर्शींनी दिलेल्या माहितीनुसार अँड्र्यूच्या मृत्यूनंतरही त्याचे पाळीव श्वान त्याच्यापासून लांब जात नव्हते. दरम्यान यातून श्वानाला माणसाचा सर्वात चांगला मित्र का म्हटलं जातं हे पुन्हा एकदा दिसून आलं आहे.

अँड्र्यू सायमंड्सचा अपघात ऑस्ट्रेलियाच्या क्वीन्सलँड येथे झाला. टाऊन्सविले शहराच्या पश्चिमेला सुमारे 50 किमी अंतरावर असलेल्या हर्वे रेंज याठिकाणी हा अपघात झाला. दरम्यान अपघातानंतर काही मिनिटांतच बेबेथा नेलिमन आणि तिचा बॉयफ्रेड वेलॉन टाउनसन हे त्याठिकाणी उपस्थित होते. पण त्यांनी पाहिलं असता सायमंड्सच्या पल्स सुरु नव्हत्या. यावेळी त्यांनी दिलेल्या माहितीनुसार, ''जेव्हा आम्ही तिथे पोहोचलो तेव्हा आम्हाला एक कार उलटलेली दिसली ज्यामध्ये एक माणूस होता, त्या गाडीत इतर कोणी नव्हते पण दोन श्वान दिसून आले. दरम्यान या श्वानांना बाहेर काढण्याचा प्रयत्न केला असल्यास त्यातील एका श्वानाने मालकाची बाजू सोडण्यास नकार दिला.'' दरम्यान प्रत्यक्षदर्शींनी दिलेल्या या माहितीतून अँड्र्यू आणि त्याच्या श्वानांमध्ये किती जवळीक होती हे दिसून आलं. याआधीही अनेकदा श्वान त्यांच्या मालकांवर जीवापाड प्रेम करत असल्याचं दिसून आलं आहे. यावेळी पुन्हा एकदा या गोष्टीचा प्रत्यय आला.   

अँड्र्यूची कारकिर्द

जगातील अव्वल दर्जाच्या अष्टपैलू खेळाडूंची जेव्हाही यादी बनेल त्यात सायमंड्सचं नाव नक्कीच वरच्या फळीत असेल. सायमंड्सचं क्रिकेट करिअर अतिशय शानदार होतं. त्याने 198 वनडे सामन्यांमध्ये 5088 रन बनवले. यामध्ये सहा शतकं आणि 30 अर्ध शतकांचा समावेश आहे. सायमंड्स ऑल राऊंडर क्रिकेटपटू असल्याने त्याने वनडे फॉर्मेटमध्ये त्याने 133 विकेटही घेतल्या. तसेच 26 टेस्ट मॅचमध्ये 1462 रन काढण्याची कामगिरी केली आहे. शिवाय 24 विकेटही घेतल्या आहेत. सायमंड्स 14 टी 20 सामने खेळले.  

हे देखील वाचा-