Vikas Thakur Wins : भारताच्या विकास ठाकूरची रौप्य पदकाला गवसणी! कॉमनवेल्थ स्पर्धेत वेटलिफ्टिंगमध्ये भारताचाच दबदबा

Commonwealth Games 2022 : भारताने आतापर्यंत वेटलिफ्टिंग खेळात सर्वाधिक पदकं मिळवली असून नुकतच 96 किलो पुरुषांच्या गटात विकास ठाकूर याने रौप्य पदक मिळवलं आहे.

Vikas Thakur Commonwealth Games 2022

Commonwealth Games 2022: भारतीय वेटलिफ्टर्सची कॉमनवेल्थ गेम्स 2022 मधील (Commonwealth Games 2022) जबरदस्त कामगिरी कायम असून आता वेटलिफ्टर विजय ठाकूर (Vijat thakur) याने पुरुषांच्या 96 किलो वजनी गटात रौप्य पदक भारताला मिळवून दिलं आहे. कॉमनवेल्थमधील आजच्या दिवसातील भारताचं हे तिसरं पदक असून काही वेळापूर्वीच लॉन बॉल्समध्ये महिला संघाने आणि टेबल टेनिसमध्ये पुरुष संघाने सुवर्णपदकाची कमाई केली आहे. 

फायनल राऊंडमध्ये विकासने सर्वात आधी स्नॅच राऊंडमध्ये 155 किलोग्राम वजन उचलत तिसरं स्थान मिळवलं. त्यानंतर क्लीन अँड जर्कमध्ये मात्र त्याने अधिक दमदार कामगिरी करत तिसऱ्या प्रयत्नात 191 किलोग्राम वजन उचललं. अशारितीने विकासने एकूण (155+191) 346 किलोग्राम वजन उचलत एक दमदार अशी कामगिरी करत पदक भारताला जिंकवून दिलं आहे. 

वेटलिफ्टिंगमधील आठवं पदक

इंग्लंडच्या बर्मिंगहममध्ये सुरु कॉमनवेल्थ स्पर्धेत (Commonwealth Games 2022) भारताने वेटलिफ्टिंगमध्ये जबरदस्त कामगिरी करत आता विजयने जिंकलेल्या रौप्य पदकासह एकूण आठ पदकं एकाच खेळात जिंकली आहेत. यामध्ये भारताला वेटलिफ्टिंगमध्ये मीराबाई चानू, अचिंता शेउली, जेरेमी लालरिनुंगा यांनी सुवर्णपदक जिंकलं असून संकेत सरगर आणि बिंद्याराणी देवी यांनी रौप्य पदक मिळवून दिलं आहे. तसंच गुरुराजा पुजारी आणि हरजिंदर कौर यांनी कांस्य पदकाला गवसणी घातली आहे.

भारताच्या खात्यात 12 पदकं

वेटलिफ्टिंगमधील आठ पदकांसह भारताने आणखी चार पदकंही स्पर्धेत आतापर्यंत जिंकली आहेत. यामध्ये सुशीला देवीने ज्युदोमध्ये रौप्य मिळवलं असून विजयकुमारनेही कांस्य पदक मिळवलं आहे. तर लॉन बाऊल्समध्येही भारतीय महिलांच्या ग्रुपने फायनलमध्ये दक्षिण आफ्रिकेला नमवत सुवर्णपदक जिंकलं आहे. तर टेबल टेनिसमध्ये पुरुष संघाने फायनलमध्ये सिंगापूरला मात देत सुवर्णपदकावर नाव कोरलं आहे.

हे देखील वाचा-