पाकिस्तानची गदा आयसीसी काढून घेणार!

भारत आणि पाकिस्तानच्या खात्यात आता प्रत्येकी 111 गुण जमा झाले आहेत.

कानपूरच्या ऐतिहासिक कसोटीत टीम इंडियाने न्यूझीलंडचा 197 धावांनी धुव्वा उडवला. न्यूझीलंडवरच्या या विजयामुळे टीम इंडियाने कसोटीच्या जागतिक क्रमवारीत पाकिस्तानसोबत संयुक्तरित्या अव्वल स्थान गाठलं आहे.

मात्र भारताच्या आज विजयामुळे पहिल्या स्थानावर असलेल्या पाकिस्तानला आयसीसीने दिलेली प्रतिष्ठित गदा अवघ्या सहा दिवसातच परत घेतली जाणार आहे.

आयसीसीचे सीईओ डेव्हिड रिचर्ससन यांनी 21 सप्टेंबर रोजी लाहोरमध्ये पाकिस्तान कसोटी संघाचा कर्णधार मिसबाह उल हकला गदा प्रदान केली होती.

काही दिवसांपूर्वीच पाकिस्तानला आयसीसी कसोटी रँकिंगमध्ये अव्वल स्थान मिळालं होतं.