दक्षिण भारताला 'वरदा' वादळाचा तडाखा, आंध्रप्रदेश, तामिळनाडूत हाय अलर्ट

वादळामुळे चेन्नईतील लोकल ट्रेन सेवा बंद करण्यात आली आहे.

चेन्नईत येणाऱ्या आणि बाहेर जाणाऱ्या सर्व विमान सेवा रद्द करण्यात आल्या आहेत.

वादळामुळे तामिळनाडू सरकारने अतिप्रभावित भागांमध्ये शाळा, सरकारी कार्यालयांना सुट्टी जाहीर केली आहे.

बचावकार्यासाठी एनडीआरएफच्या 15 तुकड्या पाठवण्यात आल्या आहेत.

वादळ पाहता तामिळनाडू आणि आंध्रप्रदेशात समुद्र किनाऱ्यावर हाय अलर्ट जारी करण्यात आला आहे.

मासेमारांना पुढील 48 तासांसाठी समुद्रात जाण्यास मनाई करण्यात आली आहे.

वरदा चक्रीवादळ चेन्नईला धडकलं आहे. 110/120 प्रती तास वेगाने हे वादळ पुढे सरकत असून, चेन्नईसह आंध्र प्रदेशातही वादळी वाऱ्यासह पाऊस कोसळत आहे.

तुफान वादळाने चेन्नईत आतापर्यंत दीडशे ते दोनशे झाडं उन्मळून पडली आहेत.

आतापर्यंत 4 हजार 622 नागरिकांना सुरक्षितस्थळी हलवण्यात आलं आहे.