Vastu Tips : ज्या घरात 'या' 5 वस्तू असतात; शनी त्यांना कधीच दंड देत नाही, सदैव असते शनीची कृपा

Vastu Tips : कर्मफळदाता शनीदेव जेव्हा नाराज होतात तेव्हा अनेक राशीच्या लोकांवर त्याचा परिणाम होतो. यासाठी शनी दोष, साड्साती आणि ढैय्याचा प्रभाव थांबविण्यासाठी काही गोष्टी करणं गरजेचं आहे.

Shani Dev

ज्योतिष शास्त्रात,शनीला सर्वात क्रूर ग्रह मानला जातो. ज्या लोकांवर शनीची वाईट दृष्टी पडते किंवा कोणत्या कारणाने शनी नाराज होतात तेव्हा समजून घ्या की शनीचा वाईट काळ सुरु झाला आहे.

ज्या राशीच्या लोकांवर शनीची कृपा दृष्टी असते त्या राशींच्या जीवनात अपार धन-दौलत, यश आणि सुख-शांतीची कमी नसते.यासाठीच प्रत्येक व्यक्ती शनी देवाला प्रसन्न करण्यासाठी त्याचा आशीर्वाद मागतात.

ज्योतिष शास्त्रात अशा काही गोष्टींबद्दल सांगण्यात आले आहे की, ज्यांना घरात ठेवल्यास शनीदेव प्रसन्न होतात. या कोणत्या वस्तू आहेत ते जाणून घेऊयात.

हनुमानाचा फोटो - शनी देवाने भगवान हनुमानाला हे वचन दिलं आहे की, ते हनुमानाच्या भक्तांना कधीच त्रास देणार नाहीत. यासाठी ज्या लोकांच्या घरी हनुमानाचा फोटो असतो त्या घरात शनी दोषाचा दुष्परिणाम कमी होतो.

शनी यंत्र - ज्योतिष शास्त्रात सांगितल्याप्रमाणे, घरात शनी देवाचा मूर्ती ठेवणं वर्जित मानलं जातं. पण तुम्ही घरात शनी यंत्र लावू शकतात. यामुळे शनी प्रसन्न होतात.

नीलम - ज्या लोकांच्या कुंडलीत शनी दोष असतो तसेच शनी कमजोर स्थितीत असतात. त्यांना नीलम रत्न धारण करण्याचा सल्ला दिला जातो.

शमीचं झाड - घरात शमीचं झाड लावल्याने शनी देव खूप प्रसन्न होतात. कारण शनीला शमीचं झाड खूप प्रिय आहे. यासाठी शमीचं रोप लावून शनिवारच्या दिवशी याची पूजा करा.

रुद्राक्ष - सातमुखी रुद्राक्ष धारण केल्याने शनीचा प्रकोप सहन करावा लागत नाही. यासाठी तुम्ही सातमुखी रुद्राक्ष धारण करु शकता.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)