लठ्ठपणामुळे कॅन्सरच्या प्रमाणात वाढ?

त्यामुळे वाढत्या लठ्ठपणापासून बचाव करण्यासाठी रात्री 9 नंतर टेलिव्हीजन वाहिन्यांवरी जंक फूडच्या जाहिरातींचे प्रसारण बंद केले पाहिजे असा सल्ला शोधकर्त्यांनी दिला आहे. तसेच लोकांमध्येही वाढत्या लठ्ठपणासंदर्भात जागरूकता वाढली पाहिजे असेही सांगितले आहे.

जवळपास 15 ते 20 टक्के महिलांना वाढत्या लठ्ठपणासोबत गर्भ कॅन्सरचा धोका असल्याचे यात नमुद करण्यात आले आहे.

दरवर्षी जवळपास 18000 नागरिक कॅन्सरने पीडित असतात. यातील मुख्य कारण धुम्रपान असल्याचे सांगण्यात येते. पण गर्भाशयाच्या कॅन्सरसाठी लठ्ठपणाही कारणीभूत असतो, हे 78 % लोकांनाही माहित नसते. तसेच दोन तृतीयांश म्हणजे 69 % लोकांना ब्रेस्ट कॅन्सरला लठ्ठपणाच कारणीभूत आहे, याची माहिती नसते. याशिवाय अर्ध्यापेक्षा अधिक म्हणजे 53% लोकांना पेन्क्रियाज (स्वाधूपिंड)चा कॅन्सर लठ्ठपणामुळे होतो हे माहित नसते.

डेली मेलमध्ये प्रकाशित करण्यात आलेल्या या रिपोर्टमध्ये अनेक धक्कादायक निष्कर्ष नमुद करण्यात आले आहेत. आगामी 20 वर्षात जवळपास 6 लाख 70 हजार लोकांना कॅन्सरसारखे आजारांनी ग्रासले असण्याची शक्यताही व्यक्त करण्यात आली आहे. त्यामुळे याचा थेट परिणाम 2.5 % स्वास्थ सेवेवर होणार आहे.

ब्रिटेनमधील या रिसर्चमध्ये रिप्रोडक्टिव्ह म्हणजेच प्रजननासंबंधीचे जे कॅन्सर आहेत, त्याला धुम्रपानासोबत लठ्ठपणालाही कारणीभूत असल्याचे नमुद करण्यात आले आहे.

संशोधकांना यावेळी कॅन्सर आणि शरिरातील अतिरिक्त चरबीमुळे सेक्स हार्मोन आणि एस्ट्रोजन हार्मोनचा स्तर वाढल्याचे आढळले. यामुळे ब्रेस्ट आणि गर्भातील पेशींची कार्यक्षमता प्रमाणापेक्षा जास्त वाढते.

सध्या जगभरात लठ्ठपणाचे प्रमाण झपाट्याने वाढत आहे. वाढत्या लठ्ठपणामुळे अनेकांना विविध आजारांचा सामना करावा लागत आहे. मात्र, नुकत्याच एका रिपोर्टनुसार वाढत्या लठ्ठपणाचे एक कारण कॅन्सर असल्याचे समोर आले आहे.