Ind Vs Aus 1st ODI : रोहित शर्मा-विराट कोहली फक्त एक शतक दूर, ऑस्ट्रेलियात सचिनचा विक्रम धोक्यात! कोण मारणार बाजी?

भारत विरुद्ध ऑस्ट्रेलिया चा पहिला क्रिकेट सामना 19 ऑक्टोबरला होणार असून एका मोठ्या अंतरानंतर रोहित आणि विराट टीम इंडियासाठी खेळताना दिसतील. भारत आणि ऑस्ट्रेलियामध्ये एकूण तीन सामने होतील

rohit sharma and virat kohli

बीसीसीआयने वनडे क्रिकेट संघाचे कर्णधारपद रोहित शर्माकडून युवा खेळाडू शुभमन गिलकडे सोपवले आहे. आता रोहित आणि विराट हे दोघेही नव्या कर्णधार शुभमन गिलच्या नेतृत्वाखाली खेळणार आहेत.

रोहित शर्मा आणि विराट कोहली या दोघांनीही आतापर्यंत अनेक विक्रम मोडले आहेत. त्याचसोबत ते अनेक विक्रम स्वतःच्या नावावरही केले आहेत. आता सचिन तेंडुलकरचा एक मोठा विक्रम मागे टाकण्यापासून हे दोघे फक्त एक पाऊल दूर आहे.

सचिन तेंडुलकर हा ऑस्ट्रेलियाविरुद्ध सर्वाधिक शतकं करणारा भारतीय खेळाडू आहे. त्याने ऑस्ट्रेलियाविरुद्ध एकूण 9 वनडे शतकं झळकावली आहेत.

रोहित आणि विराट यांनी ऑस्ट्रेलियाविरुद्धच्या वनडे सामन्यांत प्रत्येकी 8 शतकं केली आहेत. त्यामुळे सचिनचा विक्रम मोडण्यासाठी या दोघांनाही आणखी एक-एक शतकांची गरज आहे.

विराट कोहलीच्या आकडेवारीकडे पाहिल्यास, त्याने ऑस्ट्रेलियाविरुद्ध एकूण 50 वनडे सामने खेळले असून 2451 धावा केल्या आहेत. त्यात त्याने 8 शतकं आणि 15 अर्धशतकं केली आहेत.

विराट हा ऑस्ट्रेलियाविरुद्ध सर्वाधिक धावा करणारा भारतीय खेळाडू आहे. या संघाविरुद्ध त्याची सर्वोच्च खेळी 123 धावांची आहे.

रोहित शर्मा ऑस्ट्रेलियाविरुद्ध खेळताना नेहमीच आक्रमक खेळतो. त्याने ऑस्ट्रेलियाविरुद्ध 46 वनडे सामने खेळले असून 2407 धावा केल्या आहेत. त्यात 8 शतकं आणि 9 अर्धशतकांचा समावेश आहे.

रोहितने या संघाविरुद्ध एक द्विशतकही झळकावले आहे. तो ऑस्ट्रेलियाविरुद्ध सर्वाधिक धावा करणाऱ्या भारतीय खेळाडूंच्या यादीत तिसऱ्या क्रमांकावर आहे.