In Pics : भारतीय हॉकी संघाचा जपानवर दमदार विजय, 8-0 ने जिंकला सामना

IND vs JPN, Full time : पुरुष हॉकी विश्वचषक स्पर्धेत नवव्या ते सोळाव्या स्थानासाठी सुरु लढतींमध्ये सलामीच्या लढतीत भारताने जपानला मात दिली आहे.

IND vs JPN

भारतीय हॉकी संघाने हॉकी विश्वचषकात आज झालेल्या सामन्यात जपान संघावर दमदार विजय मिळवला आहे.

तब्बल 8-0 अशा मोठ्या फरकाने भारताने हा विजय मिळवला आहे.

याआधी भारतीय संघाला क्रॉसओव्हर सामन्यात न्यूझीलंडकडून पेनल्टी शूटआऊटमध्ये पराभव पत्करावा लागल्यामुळे स्पर्धेबाहेर जावे लागले.

त्यानंतर आता सुरु वर्गीकरण सामन्यात भारतीय संघ दमदार कामगिरी करताना दिसत आहे.

भारतीय भूमीत सुरु असणाऱ्या हॉकी विश्वचषक स्पर्धा 2023 मध्ये आजपासून (26 जानेवारी) वर्गीकरण सामने खेळणार आहे

वर्गीकरण सामने म्हणजे जे संघ विजेतेपदाच्या शर्यतीतून बाहेर पडले आहेत, त्यांच्यात आता अधिक चांगलं स्थान मिळविण्यासाठी सामने खेळवले जाणार आहेत.

आज नवव्या ते सोळाव्या स्थानासाठी एकूण चार सामने खेळवले जाणार आहेत. ज्यातील विजयी संघ पुढे जाऊन नवव्या ते बाराव्या स्थानासाठी सामने खेळणार आहेत.

त्याचबरोबर पराभूत संघाला तेराव्या ते सोळाव्या स्थानासाठी सामने खेळावे लागतील. आज भारतीय संघ वर्गीकरणाच्या सामन्यात जपानविरुद्ध मैदानात उतरला.

सामन्यात सुरुवातीपासून भारतीय संघ अप्रतिम खेळ दाखवत होता.

जपानच्या संघाला एकही गोल करता आला नाही पण सामन्यात भारताने मात्र तब्बल 8 गोल करत एका मोठ्या विजयाची नोंद केली.