AUS vs SA : WTC फायनलमध्ये रबाडाचा पंजा, लॉर्ड्सवर कांगारूंना 'सळो की पळो' करून सोडले; संपूर्ण संघ 212 धावांवर गारद

वर्ल्ड टेस्ट चॅम्पियनशिप 2023-25 च्या अंतिम सामन्यात दक्षिण आफ्रिकेच्या संघाने नाणेफेक जिंकली आणि ऑस्ट्रेलियाला प्रथम फलंदाजीसाठी आमंत्रित केले.

WTC final AUS vs SA Latest News

वर्ल्ड टेस्ट चॅम्पियनशिप 2023-25 च्या अंतिम सामन्यात दक्षिण आफ्रिकेच्या संघाने नाणेफेक जिंकली आणि ऑस्ट्रेलियाला प्रथम फलंदाजीसाठी आमंत्रित केले.

कांगारू संघाची सुरुवात खूपच खराब झाली कारण 67 धावांच्या अंतराने 4 बळी पडले.

उस्मान ख्वाजा खातेही उघडू शकला नाही.

तर ट्रॅव्हिस हेड अवघ्या 11 धावा काढून बाद झाला.

स्टीव्ह स्मिथ आणि ब्यू वेबस्टरने 79 धावांची भागीदारी करून ऑस्ट्रेलियाला संकटातून बाहेर काढले. 66 धावा करून स्मिथ बाद झाला.

ऑस्ट्रेलियाकडून सर्वाधिक धावा करणाऱ्या अष्टपैलू ब्यू वेबस्टरने 72 धावा केल्या.

वर्ल्ड टेस्ट चॅम्पियनशिपच्या अंतिम सामन्यात ऑस्ट्रेलियाचा पहिला डाव फक्त 212 धावांवर संपला.

एकूण 5 विकेट घेणाऱ्या कागिसो रबाडासमोर कांगारू संघाचे फलंदाज काहीच करू शकले नाहीत.

रबाडा आता वर्ल्ड टेस्ट चॅम्पियनशिपच्या अंतिम सामन्यात 5 विकेट घेणारा दुसरा गोलंदाज ठरला आहे.

कागिसो रबाडाशिवाय मार्को जॅनसेननेही 3 विकेट घेतल्या. त्याच वेळी, एडेन मार्कराम आणि केशव महाराज यांनी प्रत्येकी एक विकेट घेतली.