दुसरा ODI सामना कुठे अन् कधी Live पाहू शकता? जाणून घ्या भारत-इंग्लंड सामन्यातील A टू Z अपडेट एका क्लिकवर

India vs England 2nd ODI : भारत आणि इंग्लंड यांच्यातील दुसरा एकदिवसीय सामना 9 फेब्रुवारी रोजी कटकमधील बाराबती स्टेडियमवर खेळला जाईल.

India vs England 2nd ODI live streaming

भारत आणि इंग्लंड यांच्यातील दुसरा एकदिवसीय सामना 9 फेब्रुवारी रोजी कटकमधील बाराबती स्टेडियमवर खेळला जाईल. टीम इंडियाने पहिला सामना चार विकेट्सने जिंकला होता. आता रोहितची सेना दुसरा सामना जिंकून मालिका जिंकण्याकडे लक्ष ठेवेल.

पहिल्या सामन्यात टीम इंडियाकडून शुभमन गिल, अक्षर पटेल आणि श्रेयस अय्यर यांनी अर्धशतके झळकावली. याशिवाय रवींद्र जडेजाने शानदार गोलंदाजी करत तीन विकेट्स घेतल्या. या खेळाडूंमुळेच भारतीय संघ मालिकेत आघाडी घेऊ शकला.

भारत आणि इंग्लंड यांच्यातील दुसरा एकदिवसीय सामना रविवार 9 फेब्रुवारी रोजी खेळला जाईल. हा सामना भारतीय वेळेनुसार दुपारी 1:30 वाजता सुरू होईल. या सामन्याचा नाणेफेक एक वाजता होईल.

कटकच्या मैदानावर टीम इंडियाचा रेकॉर्ड नेहमीच चांगला राहिला आहे. भारतीय संघाने आतापर्यंत येथे एकूण 17 एकदिवसीय सामने खेळले आहेत, त्यापैकी 13 जिंकले आहेत आणि चार गमावले आहेत. भारताने 1982 मध्ये कटकच्या मैदानावर इंग्लंडविरुद्ध पहिला एकदिवसीय सामना खेळला आणि तो 5 विकेट्सने जिंकला.

क्रिकेट चाहते भारत आणि इंग्लंड यांच्यातील दुसऱ्या एकदिवसीय सामन्याचे थेट प्रक्षेपण स्टार स्पोर्ट्स नेटवर्कवर पाहू शकतात. चाहते डिस्ने+ हॉटस्टार अॅपवर लाईव्ह स्ट्रीमिंग पाहू शकतात. यासाठी त्यांना त्यांच्या फोनवर डिस्ने+हॉटस्टार अॅप डाउनलोड करावे लागेल.

भारत आणि इंग्लंडमध्ये एकदिवसीय क्रिकेटमध्ये आतापर्यंत एकूण 107 सामने खेळले गेले आहेत, त्यापैकी भारतीय संघाने 58 सामने जिंकले आहेत. तर इंग्लंडने 44 मध्ये विजय मिळवला आहे. अशाप्रकारे, एकदिवसीय क्रिकेटमध्ये भारताचा इंग्लंडवर वरचष्मा आहे.

भारत : रोहित शर्मा (कर्णधार), शुभमन गिल (उपकर्णधार), यशस्वी जयस्वाल, विराट कोहली, श्रेयस अय्यर, केएल राहुल (यष्टीरक्षक), ऋषभ पंत (यष्टीरक्षक), हार्दिक पंड्या, रवींद्र जडेजा, वॉशिंग्टन सुंदर, अक्षर पटेल, कुलदीप यादव, हर्षित राणा, मोहम्मद. शमी, अर्शदीप सिंग, वरुण चक्रवर्ती.

इंग्लंड : हॅरी ब्रुक, बेन डकेट, जो रूट, जेकब बेथेल, लियाम लिव्हिंगस्टोन, ब्रायडन कार्स, जेमी ओव्हरटन, जोस बटलर (कर्णधार), जेमी स्मिथ, फिलिप साल्ट, जोफ्रा आर्चर, गस अ‍ॅटकिन्सन, आदिल रशीद, साकिब महमूद, मार्क वूड.