Ind vs Eng Test: इंग्लंडने गिलला निवडले अन् भारताने ब्रुकला; सामना संपताच गंभीर अन् मॅक्युलमने जे ठरवलं ते झालं, नेमकं काय केलं?

India Vs England Test: इंग्लंडने सामनावीर म्हणून भारताच्या शुभमन गिलला निवडले. तर भारताकडून सामनावीर म्हणून हॅरी ब्रुकला निवडण्यात आले.

Ind vs Eng Test

भारत आणि इंग्लंड यांच्यातील पाचव्या कसोटी सामन्यात भारताने 6 धावांनी इंग्लंडचा पराभव केला.

या विजयासह भारताने पाच सामन्याच्या कसोटी मालिकेत 2-2 अशी बरोबरी केली.

पाचव्या कसोटीसाठी मोहम्मद सिराजला सामनावीर म्हणून पुरस्कार देण्यात आला. तर मालिकावीर म्हणून शुभमन गिल आणि हॅरी ब्रुकला निवडण्यात आले.

दरम्यान, इंग्लंडने सामनावीर म्हणून भारताच्या शुभमन गिलला निवडले. तर भारताकडून सामनावीर म्हणून हॅरी ब्रुकला निवडण्यात आले. पण हे नेमकं कसं झालं?, जाणून घ्या...

अलिकडच्या काही वर्षांपासून इंग्लंडमध्ये असे ठरवले गेले आहे की कसोटी मालिका कोणतीही असो, ती मालिका कोण जिंकेल यावर अवलंबून न ठेवता, दोन्ही संघांतील प्रत्येकी एका खेळाडूला 'प्लेयअर ऑफ द सिरीज' दिला जाईल. या निवडीची जबाबदारी दोन्ही संघांचे मुख्य प्रशिक्षक (हेड कोच) यांच्यावर सोपवण्यात आली आहे.

उदाहरणार्थ, इंग्लंडचे कोच ब्रेंडन मॅक्युलम यांनी शुभमन गिलला हा सन्मान दिला. तर भारतीय कोच गौतम गंभीर यांनी हॅरी ब्रूकला प्लेयर ऑफ द सिरीज म्हणून निवडले.

सध्या सोशल मीडियावर बरीच चर्चा सुरु आहे. मालिकेत हॅरी ब्रूकने चांगली खेळी केली असली, तरी जो रूट आणि बेन स्टोक्स यांनी सातत्यपूर्ण कामगिरी करत इंग्लंडसाठी महत्वाची भूमिका बजावली.

जो रूटने संपूर्ण मालिकेत सर्वाधिक धावा केल्या, तर बेन स्टोक्सने संकटाच्या क्षणी दमदार योगदान दिलं. तरीही गंभीरने थेट हॅरी ब्रूकला इंग्लंडकडून प्लेयर ऑफ द सिरीज म्हणून जाहीर केलं. यामुळे सोशल मीडियावर चाहत्यांनी संताप व्यक्त करत गंभीरवर पक्षपात केल्याचे आरोप केले आहेत.

भारतीय कर्णधार शुभमन गिल इंग्लंडविरुद्ध खेळल्या गेलेल्या 5 सामन्यांच्या कसोटी मालिकेत सर्वाधिक धावा करणारा फलंदाज होता. चौथ्या क्रमांकावर फलंदाजीला आलेल्या गिलने 5 सामन्यांच्या 10 डावात 75.40 च्या सरासरीने 754 धावा केल्या. यादरम्यान त्याने एका द्विशतकासह 4 शतके केली.