जगातील सर्वात श्रीमंत क्रिकेट बोर्ड...; टीम इंडियाचा मुख्य प्रशिक्षक गौतम गंभीर बीसीसीआयकडून किती पगार घेणार?

Gautam Gambhir: भारतीय क्रिकेट संघाच्या मुख्य प्रशिक्षकपदी गौतम गंभीर याची नियुक्ती करण्यात आली आहे.

gautam_gambhir

भारतीय क्रिकेट संघाच्या मुख्य प्रशिक्षकपदी गौतम गंभीर (Gautam Gambhir) याची नियुक्ती करण्यात आली आहे. बीसीसीआयचे सचिव जय शाह यांनी 9 जून रोजी गौतम गंभीरच्या नियुक्तीची घोषणा केली.

टीम इंडियाचा मुख्य प्रशिक्षकपदावरुन राहुल द्रविड टी 20 विश्वचषकानंतर संपल्यानंतर निवृत्त झाले. राहुल द्रविड यांच्यानंतर भारतीय संघाची जबाबदारी गौतम गंभीरकडे देण्यात आली आहे.

टीम इंडियाचा प्रशिक्षक म्हणून गौतम गंभीरला 12 ते 15 कोटी रुपये वार्षिक पगार मिळणार आहे.

याआधी टीम इंडियाचे प्रशिक्षक राहुल द्रविड होते, ज्यांना बीसीसीआय वार्षिक 12 कोटी रुपये मानधन देत असे.

बीसीसीआय राहुल द्रविडपेक्षा गौतम गंभीरला जास्त पगार देणार असल्याचं सांगण्यात येत आहे.

बीसीसीआय लवकरच सपोर्ट स्टाफसाठी अर्ज मागवणार आहे. टीम इंडियाचे फलंदाजी प्रशिक्षक विक्रम राठौर, गोलंदाजी प्रशिक्षक पारस म्हांबरे आणि क्षेत्ररक्षण प्रशिक्षक टी दिलीप यांचा कार्यकाळ संपला आहे.

मुख्य प्रशिक्षक राहुल द्रविड देखील फक्त टी-20 वर्ल्ड कप 2024 पर्यंत टीम इंडियासोबत होते.

भारत आणि झिम्बाब्वे यांच्यात पाच सामन्यांची टी-20 मालिका खेळवली जात आहे. या मालिकेसाठी व्हीव्हीएस लक्ष्मणकडे प्रशिक्षकाची जबाबदारी देण्यात आली आहे.