No Shadow Day: सूर्य डोक्यावर आला अन् वाशिमकरांची सावली हरवली; शून्य सावली दिवस म्हणजे नेमकं काय?

भारतात वर्षातून दोनदा शून्य सावली दिन असतो - साधारणपणे एप्रिल आणि ऑगस्टच्या सुमारास. या महिन्यांत, सूर्याचा आकाशातील प्रवास त्याला काही विशिष्ट प्रदेशांवर थेट आणतो

no shadow day

वाशिम जिल्ह्यातील नागरिकांना गेल्या 3 दिवसा पासून विविध भागात आपली सावली गायब होण्याचा अनुभव आज आला.

सूर्याचा उत्तरायण आणि दक्षिणायन होतं. हा भासमान मार्ग पृथ्वीच्या कर्कवृत्त व मकरवृत्ताच्या दरम्यान असतो. त्यामुळे या भागातील गावांमध्ये वर्षातून दोनदा सूर्य थेट डोक्यावर येतो.

त्यामुळे वस्तूंची व्यक्तींची सावली अदृश्य होते. वर्षातून दोनदा सूर्य आपल्या अगदी डोक्यावर येतो.त्यामुळे आपली सावली वर्षातून दोनदा गायब झाल्याचे आपल्याला दिसते.

सध्या सूर्याचे उत्तरायण सुरू आहे. या दिवसातली ही खास भौगोलिक घटना आहे. यानंतर परत सूर्याचे दक्षिणायन सुरू झाल्यानंतर तीन महिन्यानंतर ही घटना आपल्याला पाहायला मिळेल.

ही एक मजेशीर भौगोलिक घटना आहे. कामारगावच्या जिल्हा परिषद शाळेतील विद्यार्थ्यांनी याचा अनुभव घेतला. एरवी अस म्हटलं जातं सावली माणसाची साथ सोडत नाही.

मात्र, मे महिन्याच्या 15 ते 25 तारखेदरम्यान गेल्या अनेक वर्षांपासून भर दुपारी काही क्षणांसाठी का होईना सावली साथ सोडते. आज कारंजा तालुक्यात 12:20 मिनिटानंतर प्रत्येकाच्या सावलीने त्याची काही क्षण साथ सोडली होती.