एक्स्प्लोर

Thane Shivshahi Fire: ठाणे स्टेशनवर 'शिवशाही'ला भीषण आग, बस जळून खाक; सुदैवाने बचावले 15 प्रवाशी

Thane Shivshahi Fire: ठाणे रेल्वे स्टेशनवरील सेटीस ब्रिजवर शिवशाही बसला भीषण आग लागल्याने चांगलाच गोंधळ उडाल्याचं पाहायला मिळालं.

Written By : अक्षय भाटकर, एबीपी माझा, मुंबई | Updated at : 23 Apr 2026 02:11 PM (IST)

Thane shivshahi bus fire

1/10

ठाणे रेल्वे स्टेशनवरील सेटीस ब्रिजवर शिवशाही बसला भीषण आग लागल्याने चांगलाच गोंधळ उडाल्याचं पाहायला मिळालं.

2/10

एकीकडे उन्हामुळे वातावरण तापलं असून प्रवाशांच्या अंगातून घामाच्या धारा निघत आहेत, त्यातच ठाणे स्टेशनवर शिवशाही बसला अचानक आग लागल्याने ही आग कशाने लागली याची चर्चा होत आहे.

3/10

बसला आग लागल्यानंतर तात्काळ अग्निशमन दलाच्या गाडीला पाचारण करण्यात आले. अग्निशमनच्या जवानांकडून आग विझवण्यासाठी शर्थीचे प्रयत्न झाले.

4/10

बसच्या खालील बाजूस इंजन आणि डिझेल टाकीजवळ ही आग लागल्याने बसने पेट घेतला, त्यामध्ये बस पूर्णपणे जळून खाक झाली.

5/10

सदर शिवशाही बस ठाण्याहून पालघरमार्गे बोईसरकडे रवाना होत होती, दरम्यान बसला आग लागल्याने प्रवाशांसह सर्वांचाच खोळंबा झाला आगीचे प्राथमिक कारण शॉर्ट सर्किट असल्याचे सांगितले जात आहे

6/10

ही शिवशाही बस ठाण्यात आली, तिथून बोईसरला जाणार होती. मात्र, ठाणे स्टेशनजवळ आल्यानंतर बस अचानक बंद पडली. बंद पडल्यानंतर खालून आग लागल्याचं दिसून आलं.

7/10

बसमध्ये एकूण 15 प्रवासी होते, मात्र आग लागल्याचे समजताच प्रवाशांनी बसमधून बाहेर धाव घेतल्याने सुदैवाने मोठी दुर्घटना टळली. सध्या बसमधील सर्व प्रवासी सुखरुप आहेत.

8/10

बसला आग लागल्यानंतर स्थानिकांनीही घटनास्थळी धाव घेतली, काहींनी आग आटोक्यात आणण्यासाठी प्रयत्न केले, अग्निशमनच्या जवानांना मदतीचा हात दिला.

9/10

अग्निशनच्या गाडीने घटनास्थळी धाव घेत पाण्याच्या मोठ्या प्रेशरने बसवर मारा केला.

10/10

अग्नशमन दलाच्या सर्व जवानांनी शर्थीने प्रयत्न केले, पण बसने मोठा पेट घेतल्यामुळे बस पूर्णपणे जळून खाक झाल्याचं पाहायला मिळालं. बसचा सांगाडाच तिथे दिसून आला