Pune Rain : पुण्यातील निंबज नगरला पाण्याचा वेढा; घरं पाण्यात, चिमुकल्या लेकीला खांद्यावर घेऊन बाप छातीभर पाण्यातून निघाला

Pune Rain News : पुणे शहरात रात्रभर पावसाचा जोर पाहायला मिळतोय. अर्ध्या शहराला अक्षरश: पाण्याने वेढलं आहे. घरांत पाणी घुसल्याने नागरिकांचा जीव मुठीत धरुन प्रवास सुरू आहे.

Pune Rain Update

मुसळधार पावसामुळे पुण्याची स्थिती अत्यंत विदारक झाली आहे. लोकांच्या घरात पाणी घुसून अख्खं जनजीवन विस्कळीत झालं आहे.

घरातील जीवनोपयोगी वस्तू, खाटा, सिलेंडर पाण्यात वाहून गेले आहेत.

नागरिकांच्या बचावासाठी रेस्क्यू टीमला पाचारण करण्यात आलं. बोटी, लाईफ जॅकेट घेऊन रेस्क्यू टीम पुण्यातील पूरजन्य भागात पोहोचली आहे.

अनेक जण स्वत:चा जीव मुठीत धरुन घरांच्या खिडकीत बसले आहेत. परिसरातील नागरीक घाबरले असून एकच तारांबळ उडाली आहे.

लेकीला खांद्यावर घेऊन वासुदेवरुपी बापाने पाण्यातून वाट काढली, अनेकांनी या बापलेकीला सुखरुप बाहेर काढण्यासाठी मदत केली. निंबज नगरमधील या दृश्याने सध्या मन हेलावून टाकलं आहे.

निंबज नगर, एकता नगर परिसरातील घरं पूर्णत: पाण्याखाली गेले आहेत.

अनेक कुटुंब जीव मुठीत धरुन पूरजन्य स्थितीतून बाहेर पडत आहेत.

गाड्या अक्षरश: पाण्यात गेल्याने नागरिकांची दैना झाली आहे.

खांद्यापर्यंत पाणी भरल्याने लोक घाबरुन गेले आहेत. वयोवृद्धांपासून लहानांना पाण्यातून बाहेर काढण्यासाठी अनेक मंडळं पुढे सरसावले आहेत.

रश्शीच्या सहाय्याने नागरिकांना बाहेर काढलं जात आहे. फक्त मौल्यवान वस्तू हातात घेऊन लोक घरातून निघाले आहेत.

अनेक लोक सोसायटीच्या टेरेसवर जाऊन बसले आहेत. बचावासाठी ते देखील लोकांना पाचारण करत आहेत.