Pune Rain News: पिंपरी चिंचवडमधील वसाहतींमध्ये पाण्याचा शिरकाव; 2000 नागरिक स्थलांतरित

Pune Rain News: संजय गांधी नगर, लक्ष्मीनगर, भाटनगर, जाधव घाट, किवळे या वसाहतीत पाण्याने शिरकाव केला आहे.

Pune Rain News

पिंपरी चिंचवडच्या विविध भागांतील दोन हजार नागरिकांना स्थलांतरित करण्यात आलं आहे. मात्र अद्याप ही पवना, इंद्रायणी आणि मुळा नदी पात्रालगतील नागरिक जीव धोक्यात घालून राहताना दिसत आहेत.

पिंपरी चिंचवडमधील वसाहतींमध्ये नदीपात्रातील पाण्याचा शिरकाव झाला आहे, त्यामुळे 2000 नागरिकांना स्थलांतरित केले आहेत.

संजय गांधी नगर, लक्ष्मीनगर, भाटनगर, जाधव घाट, किवळे या वसाहतीत पाण्याने शिरकाव केला आहे.

अनेकांच्या घरात आत्ता ही पाणी साचलेलं आहे. सध्या पवना धरणातून 15 हजार 700 क्यूसेक इतका विसर्ग सुरु आहे. पावसाचा जोर वाढला तर परिस्थिती आणखी बदलणार आहे.

अनेक सखल भागांमध्ये पाणी साचलं आहे, घरामध्ये पाणी शिरलं आहे. रात्री 12 वाजल्यापासून पाणी घरांमध्ये घुसायला सुरूवात झाली आहे.

परिसरामध्ये पुन्हा पावसाचा जोर वाढला तर परिस्थिती आणखी बिघडण्याची शक्यता आहे, मात्र काहीजण अद्यापही नदी पात्रालगतील नागरिक जीव धोक्यात घालून राहत आहेत.

महात्मा ज्योतीबा फुले शाळेत या नागरिकांना राहण्याची सोय करण्यात आली आहे.