Pune Accident : पुणे-मुंबई द्रुतगती मार्गावर अपघात; उभ्या असलेल्या अवजड वाहनाला कार धडकली, चार जणांचा जागीच मृत्यू

पुणे मुंबई द्रुतगती मार्गावर पुन्हा एकदा भीषण अपघात झालाय. यात चार प्रवाश्यांचा जागीच मृत्यू झालाय. गेल्या आठवड्यात जसा अपघात झाला अगदी तसाच आणि त्याच परिसरात हा अपघात झालाय.

Mumbai Pune Expressway Accident

पुणे मुंबई द्रुतगती मार्गावर पुन्हा एकदा भीषण अपघात झालाय.

यात चार प्रवाशांचा जागीच मृत्यू झालाय. गेल्या आठवड्यात जसा अपघात झाला अगदी तसाच आणि त्याच परिसरात हा अपघात झालाय.

सायंकाळी साडे चारच्या सुमारास ही मुंबई वरून पुण्याला ही चारचाकी येत होती.

तेव्हा एक अवजड वाहनाच्या चालकाने लघुशंकेसाठी गाडी महामार्गाच्या कडेला पार्क केली.

त्याचवेळी मुंबईवरून भरधाव वेगात आलेल्या चारचाकीच्या चालकाचा ताबा सुटला आणि गाडी थेट अवजड वाहनाला मागून धडकली.

ही धडक इतकी भीषण होती की अक्षरशः निम्या गाडीचा चक्काचूर झाला.

गाडीतील चार ही प्रवाशांचा जागीच मृत्यू झाला.

गेल्या आठवड्यात याच परिसरात असाच अपघात झाला होता.

तेव्हा तीन प्रवाशांचा जीव गेला होता. त्यावेळी चारचाकी थेट ट्रकला धडकली होती. अख्खी गाडी ट्रक खाली गेल्याचं तेव्हा आपण पाहिलं होतं.