Pune News : पुण्यातील चंदननगर परिसरातील झोपडपट्टीला भीषण आग; साखर झोपेत असताना अनेकांचे संसार उद्ध्वस्त

Pune News : पुण्यातील चंदननगर परिसरातील झोपडपट्टीमध्ये मोठी आग लागल्याची घटना घडली आहे.

Pune News

राज्यभरात उन्हाचा भडका उडाला असतांना आगीच्या घटनेतही मोठी वाढ होताना दिसत आहे. अशातच पुण्यातील चंदननगर परिसरातील झोपडपट्टीमध्ये मोठी आग लागल्याची घटना घडली आहे.

पुढे आलेल्या माहितीनुसार, जवळपास सात ते आठ सिलेंडरचा देखील या आगीत स्फोट झाला आहे. तर नागरिकांच्या रोज वापरतील वस्तुचे देखील मोठ्याप्रमाणात नुकसान झाले आहे.

घटनेची माहिती मिळताच अग्निशामक दलाच्या आठ गाड्या घटनास्थळी दाखल झाल्या आहेत.

दरम्यान, अजूनही आग विझवण्याचे शर्तीचे प्रयत्न अग्निशामक विभागाकडून सुरू आहेत.

पहाटेच्या सुमारास आग लागल्याने अनेक लोक या झोपडपट्टीमध्ये अडकली आहेत. सध्या त्यांना बाहेर काढण्याचे काम सुरू आहे.

मात्र साखर झोपेत असतांना अनेकांना काही कळायच्या आता आगीने भडका घेतल्याने अनेकांची पूर्ती धांधल उडाली आहे.