तुळजाभवानी मंदिरात जितेंद्र आव्हाड समर्थक अन् सुरक्षारक्षकांमध्ये धक्काबुक्की; भाजप कार्यकर्त्यांनीही अडवली गाडी

राष्ट्रवादी काँग्रेस शरदचंद्र पवार पक्षाचे आमदार जितेंद्र आव्हाड यांनी आज तुळजापूर येथे आई तुळजाभवानीचे दर्शन घेऊन मंदिराबाबत भूमिका मांडली.

Tuljapur jitendra awhad bjp clashesh

राष्ट्रवादी काँग्रेस शरदचंद्र पवार पक्षाचे आमदार जितेंद्र आव्हाड यांनी आज तुळजापूर येथे आई तुळजाभवानीचे दर्शन घेऊन मंदिराबाबत भूमिका मांडली.

तुळजाभवानी मंदिराच्या जीर्णोदरातील मंदिराचे शिखर उतरण्याला जितेंद्र आव्हाड यांचा विरोध आहे, त्याच अनुषंगाने आव्हाड यांनी मंदिराला भेट देत पाहणी करुन, देवीचे दर्शन घेऊन आपली भूमिका मांडली.

जितेंद्र आव्हाड यांच्या भूमिकेनंतर भाजपकडूनही त्यांच्या वक्तव्याचा निषेध नोंदवत रास्ता रोको आंदोलन करण्यात आले, आव्हाड यांना पुढे न जाऊ देण्याचा इशारा भाजप कार्यकर्त्यांना दिला. त्या पार्श्वभूमीवर तुळजाभवानी मंदिर परिसरात पोलीस बंदोबस्त वाढवला होता

जितेंद्र आव्हाड मंदिरात दाखल झाल्यानंतर राजे शहाजी महाद्वारातून त्यांनी पाहणी केली. त्यानंतर, मदिरात प्रवेश केल्यानंतर त्यांचे कार्यकर्ते आणि सुरक्षारक्षक यांच्यात गोंधळ उडाल्याचं पाहायला मिळालं.

आमदार जितेंद्र आव्हाड यांना मंदीरात सोडलेल्या ठिकाणाहूनच आम्हालाही आत सोडण्यात यावे, असे म्हणत मंदिरात जाण्यासाठी कार्यकर्ते व पदाधिकारी यांची गर्दी झाली होती.

मंदिरातील सुरक्षारक्षक व आव्हाड यांच्या कार्यकर्त्यांत बाचाबाची देखील झाली होती, विशेष म्हणजे आ. आव्हाड मंदीरात पाहणी करत असल्याने भाविकांची दर्शन लाईन थांबवली, त्यामुळे मोठी गर्दी झाल्याचं सांगण्यात आलं.

दुसरीकडे भाजप कार्यकर्ते आणि जितेंद्र आव्हाड यांच्या समर्थक कार्यकर्त्यांमध्येही धक्काबुकी झाल्याने तुळजाभवानी मंदिरासमोर प्रचंड गोंधळ उडाला होता, काही वेळ तणावाचे वातावरण निर्माण झाले होते.

भाजप कार्यकर्त्यांनी जितेंद्र आव्हाड यांच्या गाडीसमोर ठिय्या मांडला, जितेंद्र आव्हाड यांनी हिंदूंच्या भावना दुखावल्या आहेत, आम्ही कोणत्याही परिस्थितीत त्यांना जाऊ देणार नाही, अशी भूमिका भाजप समर्थकांनी घेतली होती.

जितेंद्र आव्हाड यांनी माफी मागावी अन्यथा आम्ही उठणार नाही, आव्हाड यांनी आई तुळजाभवानी मंदिरातील कळस काढण्यासंदर्भाने वादग्रस्त वक्तव्य केल्याचंही भाजप कार्यकर्त्यांनी म्हटले.

दरम्यान, कोणत्याही परिस्थितीत तुळजाभवानी मंदिराच्या गाभाऱ्याला हात लावू देणार नाही, ज्या पायऱ्यांवरून छत्रपती शिवाजी महाराज गेले त्या पायऱ्या आणि देवीच्या गाभाऱ्याला हात लावू देणार नाही, अशी भूमिका जितेंद्र आव्हाड यांनी घेतली आहे.