शिवरायांचे गड अन् आपली जबाबदारी, खासदार निलेश लंकेंकडून रायरेश्वर गडावर संवर्धन मोहिम

MP Nilesh Lanke : शिवरायांचे गड अन् आपली जबाबदारी, खासदार निलेश लंकेंकडून रायरेश्वर गडावर संवर्धन मोहिम

Nilesh Lanke

MP Nilesh Lanke : खासदार निलेश लंके यांनी 'शिवरायांचे गड – आपली जबाबदारी' असं म्हणत गड संवर्धन मोहिम सुरु केली आहे.

निलेश लंके यांनी सोशल मीडियावर पोस्ट करत याबाबतची माहिती दिली आहे.

निलेश लंके म्हणाले, रायरेश्वर गडावर आज एक ऐतिहासिक क्षण अनुभवला..

ज्यावर छत्रपती शिवाजी महाराजांनी स्वराज्याची शपथ घेतली, त्या पवित्र भूमीवर गड संवर्धन व स्वच्छता मोहिमेची सुरुवात "आपला मावळा" संघटनेच्या माध्यमातून केली.

या संघटनेच्या माध्यमातून हजारो मावळ्यांसह गड संवर्धन व स्वच्छता याबाबत शपथ घेऊन नवी सुरुवात केली.

शेकडो शिवभक्तांसह पावसाची तमा न बाळगता स्वच्छता, वृक्षारोपण, पिण्याच्या पाण्याची व्यवस्था, विजेचे दिवे, सूचना फलक अशा विविध उपक्रमांची अंमलबजावणी करण्यात आली.

"जय शिवाजी, जय भवानी" हे केवळ घोषवाक्य न राहता, कृतीतून शिवरायांच्या विचारांचा प्रसार होणं आवश्यक आहे.

प्रत्येक गड, प्रत्येक किल्ला, हा आपल्या इतिहासाचा साक्षीदार आहे.

आपल्या पुढील पिढीला ही ठिकाणं अभिमानाने दाखवता यावीत म्हणून ही मोहिम दर महिन्याला एका गडावर राबवणार आहोत.

स्वराज्याची शपथ फक्त शब्दांत नव्हे, तर कृतीतही उतरवूया! "गड आपले – जबाबदारीही आपली!"