नाशिकमध्ये पावसाचं जोरदार कमबॅक, धरणांमधून नदीपात्रात पाण्याचा विसर्ग, गोदावरी नदीची पाणी पातळी वाढली

Nashik Rain : नाशिक जिल्ह्यात पावसानं जोरदार कमबॅक केलं आहे. यामुळं गोदावरी नदीपात्रात धरणांमधून पाण्याचा विसर्ग करण्यात आला आहे.

नाशिकमध्ये पावसाचं कमबॅक

नाशिकमध्ये आज पुन्हा पावसाने जोरदार कमबॅक केले असून आज दिवसभरात नाशिक शहरात 31 मिलिमीटर इतका पाऊस झाल्याची नोंद करण्यात आली आहे.

नाशिकमध्ये आज सुरू असलेल्या पावसामुळे गंगापूर धरणात देखील 60 टक्के पेक्षा जास्त पाणीसाठा झाला असून गंगापूर धरणातून गोदावरी नदीपात्रात 5 हजार 186 क्युसेक इतका पाण्याचा विसर्ग सुरू आहे.