Nashik Rain Update : अखेर नाशकात पावसाचं 'टाईम प्लीज', गोदाघाटावरील परिस्थिती नेमकी काय? पाहा PHOTOS

Nashik Rain Update : नाशिक शहरासह जिल्ह्यात गेल्या तीन ते चार दिवसांपासून मुसळधार पाऊस बरसत होता. मात्र मंगळवारी सकाळपासून नाशिकमध्ये पावसाने विश्रांती घेतली आहे.

Godavari Flood 2024

नाशिक शहरासह जिल्ह्यात सलग तीन दिवस जोरदार पावसाने हजेरी लावली. गंगापूर धरणातून सोमवारी 9,450 क्यूसेकने पाण्याचा विसर्ग करण्यात आला.

आता गंगापूर धरणातून पाण्याचा विसर्ग कमी करण्यात आला आहे. गंगापूर धरणातून 6 हजार 20 क्युसेकने पाणी सोडण्यात येत आहे.

होळकर पुलाखालून 10 हजार 502 क्युसेकने पाण्याचा विसर्ग सुरु असल्याने चौथ्या दिवशीही गोदाकाठावर पूरस्थिती कायम आहे.

गोदाकाठावरील अनेक मंदिरे अजून देखील पाण्याखाली असल्याचे चित्र आहे.

काल रात्रीपासून तुरळक पावसाच्या सरी कोसळत आहेत. त्यामुळे गोदावरीच्या पूरस्थितीत काहीशी घट झाल्याचे दिसून येत आहे.

गंगापूर दारणासह 13 धरणातून पाण्याचा विसर्ग सुरू आहे.

नाशिकहून जायकवाडीला पाणी जात असल्याने नगर आणि मराठवाड्याच्या पाण्याची तहान भागणार आहे.

हवामान खात्याकडून पुढील तीन दिवस नाशिकसाठी ऑरेंज अलर्ट अर्थात जोरदार पावसाचा इशारा देण्यात आला आहे.

रविवारी शहरात दिवसभरात 15.3 मिमी पाऊस पडला. तर सोमवारी 13.0 मिमी पावसाची नोंद करण्यात आली आहे.