Mumbai Fire: आधी आग लागली, अग्निशमन दलानं नियंत्रणात आणली, पण पुन्हा आग भडकली; मुंबईच्या साकीनाक्यात अग्नितांडव

Mumbai Fire: मुंबईत पहाटे साकीनाका परिसरात मोठी आग लागली. या आगीत हार्डवेअरचं संपूर्ण दुकान जळून खाक झालं.

Mumbai Fire | Sakinaka News

Mumbai Fire News: मुंबईतील साकीनाका परिसरात पहाटे मोठी आग लागली.

मुंबईच्या साकीनाका परिसरात एका हार्डवेअरच्या दुकानामध्ये पहाटे तीन वाजता मोठी आग लागली.

अचनाक लागलेल्या आगीमुळे आजूबाजूच्या परिसरात भीतीचं वातावरण पसरलं होतं.

आगीची माहिती मिळताच अग्निशमन दलाच्या चार गाड्या तात्काळ घटनास्थळी दाखल झाल्या.

अथक प्रयत्नानंतर केवळ अर्ध्या तासातच आगीवर नियंत्रण मिळवण्यात अग्निशमन दलाला यश आलं होतं, मात्र 5 वाजता पुन्हा आग वाढली.

त्यामुळे पुन्हा अग्निशमन दलाच्या काही गाड्यांना घटनास्थळी पाचारण करण्यात आलं.

सध्या अग्निशमन दलाचे 8 ते 10 गाड्या घटनास्थळावर दाखल होऊन फायर कूलिंगचं काम सुरू आहे.

सध्या या आगीमुळे संपूर्ण साकीनाका परिसरात मोठ्या प्रमाणात धूराचे लोळ पसरले आहेत.

सुदैवानं या घटनेत कोणतीही जीवितहानी झालेली नाही.

पहाटे अचानक लागलेल्या आगीत दोन दुकानं मात्र जळून खाक झालं आहे.

आग कशामुळे लागली, या संदर्भात अधिक तपास स्थानिक पोलीस आणि अग्निशमन दलाचे जवान करत आहे.