Mumabi Local: मध्य रेल्वेची वाहतूक विस्कळीत, लोकलसह एक्सप्रेस गाड्या रखडल्या; रेल्वे स्थानकावर प्रवाशांची गर्दी

Mumabi Local: मध्य रेल्वेची वाहतूक विस्कळीत झाली आहे. यामुळे मध्य रेल्वेवरील स्थानकावर प्रवाशांची मोठी गर्दी होत आहे.

Central Railway Local

मुंबईकरांसाठी एक महत्वाची बातमी समोर आली आहे.

मध्य रेल्वेची वाहतूक विस्कळीत झाली आहे. यामुळे मध्य रेल्वेवरील स्थानकावर प्रवाशांची मोठी गर्दी होत आहे.

मध्य रेल्वेची कल्याण ते कसारा दरम्यानची मुंबईकडे येणारी वाहतूक ठप्प झाली आहे.

वेगवेगळ्या स्थानकांत मुंबईकडे येणाऱ्या 6 लोकल आणि एक्सप्रेस रखडल्या आहेत.

रेल्वे ट्रॅक बाजूला पोकलेन वापरून एक काम सुरू होते, त्या पोकलेनचा धक्का सिग्नल यंत्रणेच्या वायरला लागला, त्यामुळे सिग्नल बंद पडले, याचाच फटका मुंबईकडे येणाऱ्या वाहतूकीला बसला आहे.

कसारा इथून सुटणाऱ्या लोकल तसेच नाशिक मार्गाने मुंबईकडे येणाऱ्या एक्सप्रेस यामुळे थांबून आहेत, जोपर्यंत हे काम पूर्ण होत नाही तोपर्यंत वाहतूक सूर होणार नाही.

मुंबईकडे येणाऱ्या लोकल रखडल्याने कसारा दिशेने जाणाऱ्या लोकलवार देखील याचा परिणाम होण्याची शक्यता आहे.