"आम्ही साहेबांसोबत"; कराडमध्ये झळकले शरद पवारांच्या समर्थनार्थ बॅनर्स

Maharashtra NCP Crisis : राष्ट्रवादी काँग्रेस पक्षात फूट पडल्यानंतर शरद पवारांनी मला याची कधीच चिंता नव्हती, पुन्हा नव्यानं सुरू करू, असं म्हणत आपली भूमिका स्पष्ट केली.

Maharashtra NCP Crisis

शरद पवार आज स्वर्गीय यशवंतराव चव्हाण यांच्या समाधीचं दर्शन घेण्यासाठी कराडमध्ये दाखल होणार आहेत.

अजित पवारांच्या बंडानंतर राज्याच्या राजकारणाला पुन्हा एकदा कलाटणी मिळाली आहे.

शिवसेनेतील अभूतपूर्व बंडानंतर राष्ट्रवादीतील बंडानंतर आता राज्यात पुन्हा एकदा सत्तासंघर्ष निर्माण झाला आहे.

त्याआधी 'आम्ही साहेबांसोबत' अशा पद्धतीचे होर्डिंग संपूर्ण कराड शहरामध्ये लावण्यात आले आहेत.

या होर्डिंगवर शरद पवार यांच्याबरोबर खासदार श्रीनिवास पाटील आणि आमदार बाळासाहेब पाटील यांचे फोटो आहेत.

कराड शहरातील प्रत्येक चौकामध्ये अशा पद्धतीनं फोटो लावून शरद पवार यांना आपला पाठिंबा असल्याचे दर्शवण्यात आलं आहे.

अशातच अजित पवारांचे कार्यकर्त्यांना राज्यभरात पोस्टर लावताना शरद पवारांचा फोटो लावण्याचे आदेश देण्यात आले आहेत.

अजित पवारांच्या बंडानंतर आता राज्याच्या राजकारणात कोणतं नवे नाट्य पाहायला मिळणार? हे येणारी वेळच सांगेल.