PHOTO : आमदार संदीप क्षीरसागर यांच्याकडून आधी रस्त्याची पाहणी मग अंडा भुर्जीवर ताव!

Sandeep Kshirsagar

आपल्या हटक्या अंदाजामुळे कायम चर्चेत असणारे बीडचे आमदार संदीप क्षीरसागर यांनी अंडा भुर्जीच्या गाड्यावर जाऊन भुर्जी खाल्ली. यासोबतच कार्यकर्त्यांसोबत चहाचा आस्वाद घेतला. बीड शहरातील मुख्य रस्ता असलेल्या जालना रोडच्या रस्त्याचे काम सुरु आहे आणि या रस्त्याच्या कामाच्या पाहणीसाठी रोज आमदार या रस्त्यावर उभे असतात.

बीडचे राष्ट्रवादीचे आमदार संदीप क्षीरसागर हे बीड शहरात चालू असलेल्या रस्त्याच्या कामाची पाहणी करण्यासाठी आले होते. रस्त्याचं काम बघितल्यानंतर आमदारांना भूक लागली तेव्हा त्यांनी बस स्थानकासमोर असलेल्या एका अंडा भुर्जीच्या गाड्यावर जाऊन भुर्जीच्या आस्वाद घेतला आणि कार्यकर्त्यांसोबत चहा देखील घेतला.