Kolhapur News : कोल्हापुरात हुतात्मा स्मारकात 326 वीरांची नावे शिलाफलकावर

Kolhapur News: हुतात्मा स्मारकातील शिलाफलकावर शहरातील हयात व दिवंगत स्वातंत्र्य सैनिक, आर्मी, नेव्ही, वायू सेना, पोलीस, अग्निशमन दलामध्ये शहीद झालेल्या वीरांची नावे कोरली गेली आहेत.

Kolhapur News

कोल्हापूर शहरातील प्रतिभानगरमधील हुतात्मा स्मारकमध्ये 326 वीरांची नावे असलेल्या शिलाफलकाचे अनावरण करण्यात आले.

जेष्ठ स्वातंत्र्य सैनिक वसंतराव माने यांच्या हस्ते अनावरण सोहळा पार पडला.

यावेळी मनपा प्रशासक तथा जिल्हाधिकारी राहुल रेखावार यांच्या हस्ते ध्वजारोहण करण्यात आले.

यावेळी वीरांना महापालिकेच्यावतीने वंदन करुन शपथ घेण्यात आली.

हुतात्मा स्मारकातील शिलाफलकावर शहरातील हयात व दिवंगत स्वातंत्र्य सैनिक, आर्मी, नेव्ही, वायू सेना, पोलीस, अग्निशमन दलामध्ये शहीद झालेल्या वीरांची नावे कोरली गेली आहेत.

वसुधा वंदन अंतर्गत प्रतिभानगरमधील वि.स. खांडेकर शाळेमध्ये अमृत वाटीका तयार करण्यात आली आहे.

या वाटीकेमध्ये जिल्हाधिकारी राहूल रेखावार, स्वातंत्र्य सैनिक, जवानांचे कुटुंबीय यांच्या हस्ते वृक्षारोपण करण्यात आले.

या वाटिकेतील मातीला वंदन करुन मातीचा अमृत कलश तयार करण्यात आला आहे.

या कार्यक्रमाचे सूत्रसंचालन विजय वणकुंद्रे यांनी केले.

यावेळी शहीद झालेल्या वीरांचे कुटुंबीय व कर्मचारी मोठ्या संख्येने उपस्थित होते.