Mukesh Ambani : मुकेश अंबानींनी गौतम अदानींना मागे टाकलं, संपत्तीच्या बाबतीत अंबानीच देशात नंबर वन

Hurun India Rich List 2023 : हुरून इंडियाने भारतातील सर्वाधिक श्रीमंतांची यादी जाहीर केली आहे. त्यामध्ये मुकेश अंबानी हे सर्वाधिक श्रीमंत ठरलेत.

Hurun India Rich List 2023

रिलायन्स समूहाचे अध्यक्ष मुकेश अंबानी (Mukesh Ambani) पुन्हा एकदा भारतातले सर्वात श्रीमंत व्यक्ती बनले आहेत.

मुकेश अंबानी यांनी अदानी उद्योग समूहाचे अध्यक्ष गौतम अदानी (Gautam Adani) यांना संपत्तीच्या बाबतीत मागे टाकले आहे.

गेल्या वर्षी पहिल्या क्रमांकावर गौतम अदानी होते. मात्र हिंडेनबर्ग अहवालामुळे अदानी समूहाचे शेअर्स कोसळले होते, ज्यामुळे अदानींची एकंदर संपत्ती देखील घटली.

हुरून इंडियानं (Hurun India Rich List) नुकतीच भारतातील सर्वात श्रीमंताची यादी जाहीर केली आहे.

नव्या यादीनुसार दुसऱ्या क्रमांकावर गौतम अदानी, तिसऱ्या क्रमांकावर सायरस पूनावाला (Cyrus Poonawalla) हे आहेत.

चौथ्या क्रमांकावर शिव नाडर (Shiv Nadar) आणि कुटुंबीयांचा क्रमांक लागतोय.

हुरून इंडियाच्या यादीनुसार पाचव्या स्थानावर गोपीचंद हिंदुजा (Gopichand Hinduja) आणि कुटुंब आहे.