परमेश्वराचं बोलावणं आलं, आयुष्याची इतिकर्तव्यता झाली, आम्ही देहासह वैकुंठाला जात आहोत; 20 भाविकांच्या निर्णयाने खळबळ

या निर्णयापासून त्यांना परातृव करण्याचे प्रयत्न प्रशासनाने सुरू केले असून मतपरिवर्तन न झाल्यास या कुटुंबावर कायदेशीर कारवाई केली जाण्याची शक्यता आहे.

20 devotees from pune and karnataka says we are going to Vaikuntha

महाराष्ट्र आणि कर्नाटकच्या सीमेवर असणाऱ्या अथणी तालुक्यातील अनंतपूरमध्ये धक्कादायक प्रकार घडला आहे.

परमेश्वराचे आम्हाला बोलावणे आलं असून आम्ही 8 सप्टेंबरला देहत्याग करणार अशी भूमिका भक्तांनी घेतली आहे.

देहत्याग करण्याचा निर्णय घेतलेल्या नागरिकांमध्ये महाराष्ट्रातील भक्तांची संख्या अधिक आहे.

अनंतपूरमध्ये रामपाल महाराजांचा मठ असून देह त्यागाचा निर्णय घेतलेल्या भक्तांनी रामपाल महाराजांची दीक्षा घेतली आहे.

यामध्ये पुण्यातील दहा भाविकांचा समावेश आहे. तर अनंतपूर आणि विजयपूर इथल्या प्रत्येकी पाच जणांचा समावेश आहे.

मात्र, अन्य मठांच्या महाराजांनी सर्व भक्तांची समजूत काढल्याने देहत्याग करण्याचा निर्णय त्यांनी मागे घेतला.

अनंतपूर येथील एकाच इरकर कुटुंबातील पाच जणांनी देहत्यागाचा निर्णय घेतला आहे.

आता आरोग्य विभाग आणि पोलीस विभाग त्यांची चौकशी करून त्यांना ताब्यात घेणार आहेत. मात्र यामध्ये पुण्यामधील 10 भाविकांची नावे अद्याप समजू शकली नाहीत.

इरकर म्हणाले की, रामपाल महाराजांकडून आम्ही दीक्षा घेतली आहे. आता आयुष्याची इतिकर्तव्यता झाली असून 8 सप्टेंबर रोजी परमेश्वराचे बोलावणे आले आहे.

त्यानुसार ६ सप्टेंबरला सकाळी महापूजेला सुरुवात होईल. 8 रोजी आम्ही देहासह वैकुंठी जाणार आहोत. 'परमेश्वराच्या आदेशाप्रमाणे आम्ही वैकुंठाला प्रयाण करत आहोत,' अशी भूमिका त्यांनी घेतली आहे.