Elphinstone Bridge: एल्फिस्टन पूल 2 दिवस सुरु राहणार; 28 एप्रिलला बैठकीचं आयोजन, नागरिकांच्या आंदोलनानंतर MMRDA चा निर्णय

Elphinstone Bridge: एल्फिस्टन पूल बंद केल्यानंतर स्थानिक रहिवाशांनी काल (25 एप्रिल) रात्री आंदोलन केले.

Elphinstone Bridge

Elphinstone Bridge: तोडकामासाठी मुंबईतील एल्फिन्स्टन ब्रीज 25 एप्रिलपासून रात्री 9 पासून बंद करण्यात आला होता. मात्र आता एमएमआरडीएकडून एक महत्वाचा निर्णय घेण्यात आला आहे.

एल्फिस्टन पूल वाहतुकीसाठी पुन्हा खुला करण्यात आला आहे.

एल्फिस्टन पूल बंद केल्यानंतर स्थानिक रहिवाशांनी काल (25 एप्रिल) रात्री आंदोलन केले. यानंतर पुढील दोन दिवस एल्फिस्टन पूल वाहतुकीसाठी पुन्हा खुला करण्यात आला.

स्थानिक रहिवाश्यांच्या मागण्या पूर्ण केल्या जात नाही, त्यांचे पुनर्वसन केले जात नाही, त्यांना विश्वासात घेतले जात नाही तोपर्यंत पुल बंद करू नये यासाठी काल रात्री मोठे आंदोलन झाले.

स्थानिक नागरिकांच्या आंदोलनानंतर सोमवारी (28 एप्रिल) बैठक घेऊन पुढील निर्णय घेणार असल्याचे एमएमआरडीएने जाहीर केले आहे.

दरम्यान, वरळी-शिवडी कनेक्टरसाठी एल्फिन्स्टन पुलाची पुर्नबांधणी करण्यात येणार असून त्यासाठी हा पूल वाहतुकीसाठी दोन वर्षे बंद ठेवण्यात येणार आहे.

जुना ब्रिज तोडून त्या ठिकाणी डबल डेकर ब्रिजची निर्मिती एमएमआरडीएच्या माध्यमातून होणार आहे.