बीडचा लिटील जीनियस! दोन वर्षांच्या ध्रुवने केली कमाल, वर्ल्ड रेकॉर्डमध्ये झळकलं नाव, Photos

Beed News

"मुलाचे पाय पाळण्यात दिसतात" ही म्हण बीडच्या ध्रुव चरखा याच्या बाबतीत अक्षरशः खरी ठरते आहे.

अवघ्या दोन वर्षांचा हा चिमुकला आपल्या बहुआयामी बुद्धिमत्तेने सध्या बीडकरांच्या कौतुकाचा विषय ठरला आहे.

ध्रुव केवळ दोन वर्षांचा असतानाही विविध देशांचे राष्ट्रध्वज ओळखतो, मराठी आणि इंग्रजी महिन्यांची नावे सांगतो, श्लोक, भजन म्हणतो, आकृतींची ओळख पटवतो आणि पियानोच्या सुरांतून धून वाजवतो.

ध्रुवला त्याच्या आईने वडीलधाऱ्यांच्या मार्गदर्शनाने घडवण्याचा निर्धार केला. मोबाईल, टीव्ही यांपासून दूर ठेवत, वैचारिक आणि बौद्धिक पोषण देण्यावर लक्ष केंद्रित करण्यात आले.

ध्रुवचा जन्म ३० जुलै २०२३ रोजी बीड शहरातील ब्राह्मणवाडीतील चरखा कुटुंबात झाला.

ध्रुव युवराज चरखा सध्या बीडकरांसाठी कुतूहुलाचा आणि कौतुकाचा विषय ठरला आहे.

ध्रुवच्या या यशामुळे बीड शहराचे नाव राष्ट्रीय पातळीवर झळकले असून, या चिमुकल्याचा प्रेरणादायी प्रवास अनेक पालकांसाठी मार्गदर्शक ठरेल, यात शंका नाही.