मराठा आरक्षणासाठी बीडच्या पाटोदा तालुक्यातील डोंगरकिनी गावात पाच युवकांचे अन्नत्याग आंदोलन

Beed Maratha Reservation : मराठा आरक्षणासाठी आता बीड जिल्ह्याच्या पाटोदा तालुक्यातील डोंगरकिनी गावातही पाच युवकांनी अन्नत्याग आंदोलन सुरू केलंय.

Beed News

तीन दिवसांपासून त्यांनी हे आंदोलन सुरू केलं आहे.

या आंदोलनात ग्रामस्थही सहभागी होत आहेत.

जालन्यातील अंतरवाली सराटी गावात मनोज जरांगे यांचं 29 ऑगस्टपासून उपोषण सुरू आहे.

जालन्यात झालेल्या लाठीमारावरून मराठा आरक्षणाचा मुद्दा पुन्हा ऐरणीवर आलाय.

अशातच बीड जिल्ह्यातील युवकांनीही आंदोलन सुरू केल्यामुळे आता मराठा आरक्षण आंदोलनाला आणखी धार आलीय.

जिल्हा प्रशासनाने त्यांना आंदोलन मागे घेण्याची विनंती केली

परंतु मराठा आरक्षणासंदर्भात ठोस निर्णय झाल्याशिवाय आंदोलन मागे घेणार नसल्याचं या युवकांनी स्पष्ट केलंय.

जालन्यातील अंतरवली सराटी गावात मराठा आंदोलकांवर लाठीमार झाल्यानंतर, राज्यभरात आंदोलनांचा वणवा पेटलाय.

या घटनेचा निषेध करण्यासाठी राज्यात ठिकठिकाणी मराठा बांधव आंदोलन करणार आहेत.