Parner Car Accident : कार झाडाला धडकून झालेल्या अपघातात पोलीस शिपायाचा मृत्यू!

Ahmednagar : अहमदनगरला टाकळी ढोकेश्वर येथे नगर-कल्याण महामार्गावरील ढोकी शिवारात झालेल्या अपघातात पोलीस शिपायाचा मृत्यू झाला!

Parner Car Accident

टाकळी ढोकेश्वर येथे झालेल्या या अपघातात पोलिस शिपाई महेश तुकाराम काठमोरे यांचा जागीच मृत्यू झाला आहे.

तर या अपघातात आणखी दोघे जखमी झाल्याचे वृत्त हाती येत आहे.

पोलिस शिपाई महेश तुकाराम काठमोरे काठमोरे हे नारायणगाव पोलिस ठाण्यामध्ये कार्यरत होते.

पोलिस कॉन्स्टेबल महेश काठमोरे पाथर्डी तालुक्यातील शिरापूर येथील रहिवासी आहेत.

या कारमध्ये असणारा वाहन चालक साहील करीम हुसेन खान आणि गणेश सचिन शिंदे हे गंभीर जखमी झाले आहेत.

या घटनेतील जखमींवर नगर येथील खासगी रुग्णालयात उपचार सुरू आहेत.

या प्रकरणी कार चालक साहिल खान विरोधात पारनेर पोलिसात गुन्हा दाखल करण्यात आलाय.