Stress or Depression : ताण आणि नैराश्यात मोठा फरक! 'ही' लक्षणं फार कमी लोकांना माहीत

Stress or Depression : आजकाल अनेक लोक ताण आणि नैराश्याच्या समस्यांनी ग्रस्त आहेत. ताण वेळ, विश्रांती आणि व्यायामाने कमी होतो, पण डिप्रेशनसाठी तज्ज्ञांचा सल्ला घेणे आवश्यक आहे.

Stress or Depression

आजकाल अनेक लोकं ताण आणि नैराश्याने त्रस्त आहेत. असे बरेच जण आहेत ज्यांना समजत नाही की ते तणावात आहेत की नैराश्यात.

सध्याच्या धावपळीच्या जीवनात माणसाकडे विश्रांतीसाठी वेळ उरलेला नाही, प्रत्येकाच्या आयुष्यात काही ना काही कारणाने त्रास असतोच.

कोणाला नोकरीमुळे, कोणाला शिक्षणामुळे, तर कोणाला नातेसंबंधामुळे ताण हा येतोच. जास्त कामाचे त्रास आणि जबाबदाऱ्या माणसाला मानसिक थकवा आणतात.

या काळात आपण दोन गोष्टी अनुभवायला मिळतात ताण आणि नैराश्य. पण अनेक लोकांना या दोन्हींतला फरक समजत नाही.

WHO च्या मते, ताण हा कामाच्या दबावामुळे निर्माण होतो. ताण म्हणजे डिप्रेशन नव्हे.

ताणाची तीन प्रमुख लक्षणे असतात जसे की, थकवा, कामापासून दुरावा आणि नकारात्मक विचार.

जर काम करायची इच्छा संपली आणि सर्व काही ओझं वाटू लागलं, तर तो ताण असू शकतो.

नैराश्य म्हणजे मानसिक आजाराचे एक रूप आहे. डिप्रेशनमुळे व्यक्तीचे संपूर्ण जीवन प्रभावित होते.

डिप्रेशनची लक्षणे म्हणजे सतत उदासी, निराशा आणि आवडीच्या गोष्टींमध्ये रस कमी होतो. यामुळे झोप आणि भूक दोन्ही लागत नाही.

काही लोक स्वतःला दोष देतात आणि धोकादायक विचार करू लागतात. संशोधनानुसार, जर त्रास फक्त कामाशी संबंधित असेल, तर तो ताण आहे.

पण जर उदासी जीवनाच्या प्रत्येक भागात दिसत असेल, तर ते नैराश्य आहे.

ताण आराम, झोप, व्यायाम आणि संतुलित आहाराने कमी होऊ शकतो, पण डिप्रेशनसाठी तज्ज्ञांचा सल्ला घेणे आवश्यक आहे.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)