Winter Kidney Stone: थंडीत 'हे' 6 उपाय केले तर किडनी स्टोन होणार नाही! जाणून घ्या…

Winter Kidney Stone: हिवाळ्यात गारवा असल्यामुळे आपण पाणी कमी पितो, आणि याचा थेट परिणाम आपल्या किडनीवर होतो.

Winter Kidney Stone

हिवाळ्यातील आरामदायी थंडी कधी कधी शरीरासाठी हानिकारक ठरते. बाहेर तापमान कमी झालं की लोक पाणी कमी पितात, आणि ही सवय किडनी स्टोन होण्याचा धोका वाढवते.

थंड हवामानामुळे डिहायड्रेशन वाढतं. लघवी कमी होते आणि त्यातली खनिजे एकत्र येऊन दगड तयार होतात. म्हणूनच हिवाळ्यात नियमितपणे पाणी पिणे खूप महत्त्वाचे आहे.

ज्यांना आधीपासून किडनी स्टोनची समस्या आहे, लठ्ठपणा, डायबिटीज किंवा युरिक ऍसिड जास्त आहे, त्यांना थंडीत हा धोका आणखी वाढतो.

जास्त मीठ, लाल मांस, प्रोसेस्ड फूड आणि तळलेले पदार्थ खाल्ल्यास किडनी स्टोनचा धोका वाढतो.

अनेक अभ्यासांमध्ये दिसून आलं आहे की हिवाळ्यात लोक कमी पाणी पितात, ज्यामुळे डिहायड्रेशन होऊन किडनी स्टोनची शक्यता वाढते.

पाठ, कंबर किंवा पोट दुखणे, लघवी करताना जळजळ, उलटीसारखं वाटणे आणि वारंवार लघवी होणे ही किडनी स्टोनची सामान्य लक्षणे आहेत.

दिवसभरात 10 ते 12 ग्लास पाणी प्या. मीठ कमी खा आणि पॅक्ड पदार्थ टाळा. लिंबू, संत्री यांसारख्या आंबट फळांमध्ये सायट्रेट असतं, जे किडनी स्टोन होण्यापासून बचाव करते.

एकंदरीत, पाणी कमी पिणे, आहारात जास्त मीठ आणि थंड हवामानामुळे कमी हालचाल ही सर्व कारणे किडनी स्टोन तयार होण्यास मदत करतात.

(टीप: वरील माहिती केवळ माहितीसाठी आहे. एबीपी माझा यातील कोणताही दावा करत नाही.)