छातीत जळजळ? हे घरगुती उपाय करून पाहा!

अ‍ॅसिडिटी ही आजकालच्या धावपळीच्या आणि ताणतणावाच्या जीवनशैलीत अतिशय सामान्य समस्या झाली आहे.

Home Remedies For Acidity

अ‍ॅसिडिटी ही आजकालच्या धावपळीच्या आणि ताणतणावाच्या जीवनशैलीत अतिशय सामान्य समस्या झाली आहे. जास्त मसालेदार, तेलकट किंवा फास्टफूड खाणं, जेवणाची वेळ न पाळणं, जास्त प्रमाणात चहा-कॉफी घेणं किंवा ताणतणाव हे सगळे अ‍ॅसिडिटी वाढवणारे घटक आहेत.

पोटात जळजळ, उलट्या, ढेकर, छातीत जळजळ, आणि अस्वस्थता ही त्याची लक्षणं असतात. औषधांवर अवलंबून न राहता काही सोपे आणि नैसर्गिक घरगुती उपाय अ‍ॅसिडिटी कमी करण्यात मदत करू शकतात.

अ‍ॅसिडिटीवर उपाय:थोडा गूळ: जेवणानंतर लहानसा गूळ तुकडा खाल्ल्याने पचन सुधारतं.

केळी: पोटातले आम्ल कमी करून अ‍ॅसिडिटीपासून आराम देते.

जिरे पाणी: भाजून घेतलेलं जिरे पावडर कोमट पाण्यात मिसळून पिणं फायदेशीर.

थंड दूध: एक ग्लास गार दूध पिण्याने पोटातील जळजळ कमी होते.

तुळशीची पानं: 4-5 तुळशीची पानं चावून खाल्ल्याने गॅस आणि अ‍ॅसिडिटी दोन्ही कमी होतात.

जेवणाची वेळ पाळा.तुपकट, मसालेदार पदार्थ कमी करा.

पाणी भरपूर प्या आणि तणाव कमी करण्यासाठी योगा किंवा प्राणायाम करा.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)